স্প'ৰ্টছ ডেস্ক,১৪ অক্টোবৰ: মঙলবাৰে চানৰাইজাৰ্ছ হায়দৰাবাদৰ সৈতে হোৱা মেচত ২০ ৰাণত জয়লাভ কৰাৰ পাচত চেন্নাই চুপাৰ কিংছৰ অল ৰাউণ্ডাৰ চেম কৰণক প্ৰশংসা দলটোৰ কেপ্তেইন এম.এছ ধোনীৰ । ডুবাই ইণ্টাৰনেশ্যনেল ষ্টেডিয়ামত হোৱা এই মেচখনত অ'পেনাৰ ফাফ ডু প্লেছিছৰ সৈতে অ'পেনিং কৰি ২১ টা বলত ৩১ ৰাণ সংগ্ৰহ কৰে কৰণে ।
আনহাতে বলিঙত ৩ অভাৰত ১৮ ৰাণৰ সৈতে চানৰাইজাৰ্ছ হায়দৰাবাদৰ কেপ্তেইন ডেভিদ ৱাৰ্ণাৰৰ উইকেট সংগ্ৰহ কৰিবলৈ সক্ষম হয় চেম কৰণে ।
মেচখনৰ অন্তত এম.এছ ধোনীয়ে চেম কৰণৰ প্ৰশংসা কৰি কয় যে,"কৰণ আমাৰ বাবে এক অল ৰাউণ্ডাৰ । তেওঁ বলিং কৰাৰ লগতে বেটিঙো কৰিব পাৰে । তেওঁ আমাক ১৫-৪০ ৰাণ দিব পাৰে । এগৰাকী ভাল বাঁওহতীয়া পেচাৰক সদায় লগত ৰখা উচিত" ।
লগতে তেওঁ কয় যে,"টুৰ্ণামেণ্টখন আগুৱাই গৈ থকাৰ লগে লগে আমাক ডেথ বলিঙৰ প্ৰয়োজন হ'ব । সেইবাবে ব্ৰাভো আৰু ঠাকুৰক শেষ অভাৰলৈ ৰখা হৈছে" ।
লগতে পঢ়ক: দৰ্শকৰ বাবে মুকলি কৰি দিয়া হ’ব ষ্টেচ্যু অৱ ইউনিটি
