স্প’ৰ্টছ ডেস্ক, 9 নৱেম্বৰ : অন্ত পৰিল ভাৰতীয় ক্ৰিকেট দল(Indian Cricket Team) বিদায়ী মুখ্য প্ৰশিক্ষক ৰবি শাস্ত্ৰী(Ravi Shastri) আৰু অধিনায়ক বিৰাট কোহলী(Virat Kohli)ৰ অংশীদাৰিত্বৰ ৷ সোমবাৰে টী-20 বিশ্বকাপ(T20 Worldcup)ত নামিবিয়াৰ বিৰুদ্ধে খেলা খেলখন আছিল শাস্ত্ৰী-কোহলীৰ অন্তিমখন অংশীদাৰিত্বৰ খেল ৷
যদিও এই খেলখনেৰে টীম ইণ্ডিয়া(Team India)ই এইবাৰৰ বিশ্বকাপৰ অভিযান সমাপ্ত কৰে, কিন্তু খেলখনত ভাৰতৰ জয়লাভে শাস্ত্ৰী-কোহলীৰ অংশীদাৰিত্বৰ ইতিবাচকভাৱে সমাপ্তি ঘটায় ৷ আগন্তুক দিনত এদিনীয়া অধিনায়কত্ব হেৰুৱাবলৈ সাজু হোৱা বিৰাট কোহলীয়ে ইতিমধ্যে আইপিএল(IPL)ৰ অধিনায়কত্ব ত্যাগ কৰিছে ৷
সোমবাৰৰ খেলখনেৰে কোহলীয়ে টী-20 আন্তঃৰাষ্ট্ৰীয় ফৰ্মেটৰ অধিনায়কত্ব পদো ত্যাগ কৰে ৷ এইবাৰৰ টী-20 বিশ্বকাপত টীম ইণ্ডিয়াৰ দুৰ্বল প্ৰদৰ্শনৰ আঁৰত কেৱল কোহলীৰ অধিনায়কত্বই নহয়, খেলুৱৈ নিৰ্বাচন আৰু খেলুৱৈসকলৰ ফিটনেছেও গুৰুত্বপূৰ্ণ প্ৰভাৱ পেলাইছে ৷
-
.@imVkohli signs off as the #TeamIndia T20I captain with a win. 🙌 🙌#T20WorldCup #INDvNAM pic.twitter.com/0YBK69rFhn
— BCCI (@BCCI) November 8, 2021 " class="align-text-top noRightClick twitterSection" data="
">.@imVkohli signs off as the #TeamIndia T20I captain with a win. 🙌 🙌#T20WorldCup #INDvNAM pic.twitter.com/0YBK69rFhn
— BCCI (@BCCI) November 8, 2021.@imVkohli signs off as the #TeamIndia T20I captain with a win. 🙌 🙌#T20WorldCup #INDvNAM pic.twitter.com/0YBK69rFhn
— BCCI (@BCCI) November 8, 2021
কোহলীক টেষ্ট মেচ(Test Match)ত অধিনায়ক হিচাপে দেখা যাব নে নাই, সেয়া বৰ্তমানেও পোহৰলৈ অহা নাই ৷ কিন্তু যোৱা চাৰিখন আইচিচি টুৰ্ণামেণ্টত তেওঁৰ প্ৰদৰ্শনে বহুত বাকী ৰাখিছে । পৰৱৰ্তী টী-২০ বিশ্বকাপৰ বাবে এঘাৰ মাহ বাকী থকা সময়তে ভাৰতে এক নতুন ৰুটিন আৰু ন দৃষ্টিভংগীৰে অনুশীলন আৰম্ভ কৰিব বুলি আশা কৰিব পাৰি ৷
ইফালে ভাৰতে এইবাৰৰ টী-20 বিশ্বকাপৰ পৰা বাহিৰ হোৱাৰ লগে লগে মুখ্য প্ৰশিক্ষকৰ যাত্ৰা সামৰণি পৰে ৰবি শাস্ত্ৰীৰ ৷ ৰবি শাস্ত্ৰী(Ravi Shastri)ৰ স্থানত নিযুক্তি প্ৰদান কৰা হৈছে ৰাহুল দ্ৰাবিড়(Rahul Dravid)ক ৷
লগতে পঢ়ক : টীম ইণ্ডিয়াৰ মুখ্য প্ৰশিক্ষকৰ পদত নিযুক্তি ৰাহুল দ্ৰাবিড়ক
