স্পৰ্টছ ডেস্ক, 4 জানুৱাৰীঃ নিউজিলেণ্ড আৰু অষ্ট্ৰেলিয়াৰ মাজত চলি থকা তৃতীয়খন টেষ্ট মেচৰ প্ৰথম দিনা সংঘটিত হৈছিল এক আমোদজনক ঘটনা ৷ প্ৰথম দিনা বেটিং কৰিবলৈ আহি অষ্ট্ৰেলিয়াৰ প্ৰতিভাৱান খেলুৱৈ ষ্টিভ স্মিথে বেটৰ সৈতে কৰিব লগা হৈছিল যথেষ্ট সংঘৰ্ষ ৷ স্মিথক নিজৰ ইনিংছৰ প্ৰথমটো ৰান কৰিবলৈ প্ৰয়োজন হৈছিল 39 টা বলৰ ৷ যেতিয়াই এই এক ৰান কৰিবলৈ সক্ষম হৈছিল স্মিথ তেতিয়াই ষ্টেডিয়ামত বহি থকা সকলো দৰ্শকে থিয় হৈ অভিনন্দন জনাইছিল খেলুৱৈগৰাকীক ৷
এই ঘটনাই পুনৰবাৰ ছিডনী ক্ৰিকেট গ্ৰাউণ্ডত হোৱা এক পূৰ্বৰ ইতিহাস ৰোমন্থন কৰালে সকলোকে ৷ দৰাচলতে, এইখন ষ্টেডিয়ামতেই 2008 চনত অষ্ট্ৰেলিয়া আৰু ভাৰতৰ মাজত চলি থকা এখন টেষ্ট মেচত 1 ৰান কৰিবলৈ ৰাহুল দ্ৰাৱিড়ে লৈছিল 40 টা বলৰ সহায় ৷ খেলুৱৈগৰাকীয়ে ব্যক্তিগত 18 ৰান কৰি থকা সময়ত এই ঘটনা সংঘটিত হৈছিল ৷
দ্ৰাৱিড়ে যেতিয়া 19 ৰানত উপনীত হৈছিল তেতিয়া ষ্টেডিয়ামৰ সকলোৱে তেওঁক থিয় হয় অভিনন্দন জ্ঞাপন কৰিছিল ৷ যিটোৱে সকলোকে খন্তেক সময়ৰ বাবে মেচখনত আমোদ প্ৰদান কৰিছিল আৰু তেনে এক অনুৰূপ ঘটনাই শুকুৰবাৰে সংঘটিত হৈছিল অষ্ট্ৰেলিয়া আৰু নিউজিলেণ্ডৰ মাজত চলি থকা তৃতীয়খন টেষ্টত ৷
- লগতে চাওক- টেষ্ট কেৰিয়াৰৰ প্ৰথমটো দ্বি-শতক লাবুচানৰ
