স্পৰ্টছ ডেস্ক, 19 আগষ্ট : কৰ’ণা ভাইৰাছ মহামাৰীৰ ফলত ইংলেণ্ড ভ্ৰমণসূচী স্থগিত দক্ষিণ আফ্ৰিকা মহিলা ক্ৰিকেট দলৰ ৷ আন্তঃৰাষ্ট্ৰীয় যাত্ৰাৰ ক্ষেত্ৰত থকা প্ৰতিবন্ধকতাৰ বাবেই এই সিদ্ধান্ত গ্ৰহণ কৰা হৈছে ৷ 2020 চনৰ ছেপ্তেম্বৰ মাহত ব্ৰিটেইন লৈ যোৱাৰ নিমন্ত্ৰণ স্বীকাৰ কৰাৰ স্থিতিত নাই বুলি উল্লেখ কৰে ক্ৰিকেট দক্ষিণ আফ্ৰিকাই ৷
উল্লেখ্য যে, দক্ষিণ আফ্ৰিকা দলটোৱে সুৰক্ষিত জলবায়ু পৰিৱেশত চাৰিখন এদিনীয়া আৰু দুখন টি-20 মেচত অংশগ্ৰহণ কৰাৰ কথা আছিল ৷
ক্ৰিকেট দক্ষিণ আফ্ৰিকাৰ নিৰ্দেশক গ্ৰীম স্মিথে কয়, এইয়া এক নিৰাশাজনক কথা যে, দক্ষিণ আফ্ৰিকাৰ মহিলা দলটোৱে পুনৰ এবাৰ শীৰ্ষ স্থানৰ দলৰ বিৰুদ্ধে খেলাৰ সুযোগ হেৰুৱাইছে ৷ কিন্তু আমাৰ প্ৰথম অগ্ৰাধিকাৰ হৈছে খেলুৱৈ আৰু সহযোগী ষ্টাফৰ সুৰক্ষা ৷
ইতিমধ্যে এই ভ্ৰমণ বাতিল কৰাৰ কথা ক্ৰিকেট দক্ষিণ আফ্ৰিকাই ইচিবিক অৱগত কৰিছে ৷
লগতে চাওক-প্ৰধানমন্ত্ৰীৰ অনুৰোধ মৰ্মে টি-20 বিশ্বকাপত অংশগ্ৰহণ কৰিব পাৰে ধোনীয়ে
