মহেন্দ্ৰ সিং ধোনীৰ পৰা টেষ্ট কেপ লাভ কৰাটো বিশেষ অনুভূতি আছিল : কে.এল ৰাহুল

অষ্ট্ৰেলিয়াৰ বিৰুদ্ধে মেলৱৰ্ণ ক্ৰিকেট গ্ৰাউণ্ডত পোন প্ৰথমবাৰৰ বাবে টেষ্ট ক্ৰিকেটত অভিষেক ঘটিছিল ভাৰতীয় ক্ৰিকেট দলৰ বেটছমেন কে.এল ৰাহুলৰ । ধোনীৰ নেতৃত্বতেই ২০১৪ চনত প্ৰথমখন আন্তঃৰাষ্ট্ৰীয় টেষ্ট ক্ৰিকেটত পদাৰ্পণ কৰিছিল ৰাহুলে ।

স্পৰ্টছ ডেস্ক, ১২ মে': শেহতীয়াকৈ ভাৰতীয় ক্ৰিকেট দলৰ সদস্য কে.এল ৰাহুলে প্ৰকাশ কৰিলে নিজৰ আন্তঃৰাষ্ট্ৰীয় টেষ্ট কেৰিয়াৰৰ প্ৰথমখন মেচৰ কিছু অনুভৱৰ কথা । খেলুৱৈগৰাকীয়ে কয়, আন্তঃৰাষ্ট্ৰীয় টেষ্ট ক্ৰিকেট খেলাৰ বাবে মহেন্দ্ৰ সিং ধোনীৰ পৰা টেষ্ট কেপ লাভ কৰাটো মোৰ বাবে এক বিশেষ অনুভূতি আছিল । টুইটাৰত চলা এক প্ৰশ্নোত্তৰ শিতানত এই কথা উল্লেখ কৰে ৰাহুলে ।

মোৰ বাবে সেইটো এটা বিশেষ আৰু আৱেগিক মূহুৰ্ত আছিল । মই ভবা নাছিলো মই সেইখন শৃংখলাত খেলাৰ সুযোগ লাভ কৰিম । এম.এছ ধোনীৰ পৰা কেপ লাভ কৰাটো মোৰ বাবে এক বিশেষ অনুভূতি আছিল - ৰাহুল

• It was a special and emotional moment for me. I never thought I would get a chance to play in the series and it was a special feeling to get that cap from MS Dhoni https://t.co/5yirGYh7Q9

  — K L Rahul (@klrahul11) May 10, 2020 " class="align-text-top noRightClick twitterSection" data="

  It was a special and emotional moment for me. I never thought I would get a chance to play in the series and it was a special feeling to get that cap from MS Dhoni https://t.co/5yirGYh7Q9

  — K L Rahul (@klrahul11) May 10, 2020

  ">

  It was a special and emotional moment for me. I never thought I would get a chance to play in the series and it was a special feeling to get that cap from MS Dhoni https://t.co/5yirGYh7Q9

  — K L Rahul (@klrahul11) May 10, 2020

ৰাহুলে অষ্ট্ৰেলিয়াৰ বিৰুদ্ধে মেলৱৰ্ণ ক্ৰিকেট গ্ৰাউণ্ডত নিজৰ প্ৰথমখন আন্তঃৰাষ্ট্ৰীয় মেচত অৱতীৰ্ণ হৈছিল । ধোনীৰ নেতৃত্বতেই ২০১৪ চনত বৰ্ডাৰ-গাভাস্কাৰ ট্ৰফীত অভিষেক ঘটিছিল ৰাহুলৰ । অৱশ্যে প্ৰথমখন আন্তঃৰাষ্ট্ৰীয় টেষ্ট ক্ৰিকেটত পদাৰ্পণত সুন্দৰ প্ৰদৰ্শন কৰাত বিফল হৈছিল ৰাহুল । মেচখনৰ দুয়োটা ইনিংছত কেৱল ৩ আৰু ১ ৰান হে কৰিবলৈ সক্ষম হৈছিল খেলুৱৈগৰাকীয়ে ।

অষ্ট্ৰেলিয়াৰ বিৰুদ্ধে মেলৱৰ্ণ ক্ৰিকেট গ্ৰাউণ্ডত টেষ্ট ক্ৰিকেটত অভিষেক ৰাহুলৰ

কিন্তু ইয়াৰ পাচৰ মেচখনতেই মুৰুলী বিজয়ৰ সৈতে অপেনিং বেটিং কৰিবলৈ আহি টেষ্ট কেৰিয়াৰৰ প্ৰথমটো শতক অৰ্জন কৰিবলৈ সক্ষম হৈছিল ৰাহুলে । কেৰিয়াৰৰ দ্বিতীয়খন মেচতেই শতক অৰ্জন কৰিছিল ৰাহুলে । ১১০ ৰানৰ ইনিংছ খেলিছিল ৰাহুলে । অৱশ্য়ে এই ৪ খন মেচৰ টেষ্ট শৃংখলাটোত ভাৰতে ২-০ ব্যৱধানত পৰাজয়বৰণ কৰিছিল ।

২৮ বছৰীয়া ৰাহুলে বৰ্তমানলৈকে ২৮ খন টেষ্টত অৱতীৰ্ণ হৈছে য'ত তেওঁৰ নামত আছে ২০০৬ ৰান । ইয়াত আছে ৫ টা শতক আৰু ১১ টা অৰ্ধশতক । আনহাতে এদিনীয়াত ৩২ খন মেচত অৱতীৰ্ণ হৈছে য'ত ৪ টা শতক আৰু ৭ টা অৰ্ধশতকেৰে ১,২৩৯ ৰান কৰিবলৈ সক্ষম হৈছে । ইপিনে আন্তঃৰাষ্টীয় টি-২০ ত ৰাহুলৰ নামত আছে ৪২ খন মেচত ১,১২৭ ৰান । য'ত ২ টা শতকো অন্তৰ্ভুক্ত হৈ আছে ।