স্পৰ্টছ ডেস্ক, 31 জানুৱাৰীঃ আজি ভাৰত আৰু নিউজিলেণ্ডৰ মাজত অনুষ্ঠিত হৈছে পাঁচখন মেচৰ টি-20 শৃংখলাৰ চতুৰ্থখন মেচ ৷ নিউজিলেণ্ডৰ ৱালিংটনত অনুষ্ঠিত হোৱা মেচখনত টছত জয় লাভ কৰি নিউজিলেণ্ড প্ৰথমে বলিঙৰ সিদ্ধান্ত গ্ৰহণ কৰি ভাৰতক বেটিঙৰ বাবে আমন্ত্ৰণ জনায় ৷ ভাৰতে প্ৰথমে বেটিং কৰি নিৰ্ধাৰিত 20 অভাৰত 8 উইকেট হেৰুৱাই সংগ্ৰহ কৰে 165 ৰান কৰিবলৈ সক্ষম হয় ৷
ভাৰতৰ হৈ মনিষ পাণ্ডেয়ে সৰ্বাধিক অপৰাজিত 50 ৰান কৰিবলৈ সক্ষম হয় ৷ লগতে কে.এল ৰাহুলে 39, বিৰাট কোহলিয়ে 11, সঞ্জু ছেমচনে 8, শ্ৰেয়াছ আয়াৰে 1, শিৱম ডুৱেয়ে 12 ৰানৰ বৰঙণি আগবঢ়ায় ৷ ইতিমধ্যে 3-0 ব্যৱধানত অগ্ৰগতি লাভ কৰি শৃংখলা নিজৰ নাম কৰিবলৈ সক্ষম হৈছে ভাৰতে ৷
তৃতীয়খন টি-20 ত চুপাৰ অভাৰত জয় লাভ কৰি ভাৰতে শৃংখলা দখল কৰিবলৈ সক্ষম হৈছিল ৷ অন্তিম দুটা বলত দুটা ছিক্স কোৱাই ভাৰতৰ জয় সু-নিশ্চিত কৰিছিল ৰোহিতে ৷ চতুৰ্থখন মেচত ৰোহিত শৰ্মাক বিশ্ৰাম দিয়া হৈছে ৷ আজিৰ মেচখনত ভাৰতীয় দলত স্থান দিয়া হৈছে সঞ্জু ছেমচন, ৱাশ্বিংটন সুন্দৰ আৰু নৱদ্বীপ চাইনীক ৷ ইপিনে নিউজিলেণ্ড দলটোত দুটা সাল-সলনি কৰা হৈছে ৷ কেন উলিয়ামচনৰ সলনি ডেৰেল মিটচেল আৰু ডী গ্ৰেণ্ডহোমৰ সলনি টম ব্ৰুছক স্থান দিয়া হৈছে ৷
