স্পৰ্টছ ডেস্ক, 18 ফেব্ৰুৱাৰীঃ শেহতীয়াকৈ প্ৰকাশ পালে আইচিচিৰ আন্তঃৰাষ্ট্ৰীয় টি-20 ৰেংকিঙৰ তালিকা ৷ এক স্থান তললৈ নামি দশম স্থান দখল ভাৰতৰ অধিনায়ক বিৰাট কোহলিৰ ৷ বৰ্তমান 673 পইণ্ট লাভৰে দশম স্থানত আছে কোহলি ৷ ইপিনে ভাৰতৰ কে.এল ৰাহুল 823 পইণ্টেৰে দ্বিতীয় স্থানত থকাৰ বিপৰীতে একাদশ স্থানত আছে ৰোহিত শৰ্মা ৷ আনহাতে এই তালিকাৰ শীৰ্ষ স্থান দখল কৰি আছে পাকিস্তানৰ বাবৰ আজমে ৷ 879 পইণ্টেৰে প্ৰথম স্থানত আছে খেলুৱৈগৰাকী ৷ তৃতীয় স্থান লাভ কৰিছে অষ্ট্ৰেলিয়াৰ এৰণ ফিন্সে ৷
আনহাতে বলিঙৰ তালিকাত ভাৰতৰ হৈ দ্বাদশ স্থান দখল কৰিবলৈ সক্ষম হৈছে জছপ্ৰীত বোমৰাহ ৷ ৱেষ্ট ইণ্ডিজৰ শ্বেলডন জেকছনৰ সৈতে যুটীয়া ভাৱে এই স্থান লাভ কৰিছে বোমৰাহই ৷ প্ৰথম স্থান আৰু দ্বিতীয় স্থানত স্থান লাভ কৰি আছে ক্ৰমে আফগানিস্তানৰ ৰাছিদ খান আৰু মুজীৱ উৰ ৰহমানে ৷ আনহাতে অল ৰাউণ্ডাৰ তালিকাত শীৰ্ষত আছে আফগানিস্তানৰ মহম্মদ নৱী ৷
