স্পৰ্টছ ডেস্ক, 8 অক্টোবৰঃ শ্ৰীলংকা আৰু পাকিস্তান বিৰুদ্ধে হ’বলগীয়া ত্ৰিকোণীয় টি-20 শৃংখলাৰ বাবে ঘোষণা কৰা হ’ল অষ্ট্ৰেলিয়া ক্ৰিকেট দলৰ ৷ ঘোষিত অষ্ট্ৰেলিয়া দলৰ পৰা বাহিৰ কৰা হৈছে মাৰ্কছ ষ্ট’ইনিছক ৷ দুৰ্বল ফৰ্মৰ বাবেই দলত স্থান দিয়া হোৱা নাই খেলুৱৈগৰাকীক ৷ আনহাতে এছেজ শৃংখলাত দুৰ্দান্ত প্ৰদৰ্শন কৰা ষ্টিভ স্মিথৰ দলত প্ৰত্যাৱৰ্তন হৈছে ৷ তিনি বছৰ 6 মাহ পাচত প্ৰথমটো টি-20 মেচত অৱতীৰ্ণ হ’ব স্মিথ ৷ স্মিথৰ সৈতে ডেবিড ৱাৰ্ণাৰ, পেট কামিন্স, মিটচেল ষ্ট্ৰাকও অষ্ট্ৰেলিয়া টি-20 দলত প্ৰত্যাৱৰ্তন হৈছে ৷ অহা 27, 30 অক্টোবৰ আৰু 1 নৱেম্বৰত তিনিখন টি-20 মেচত অৱতীৰ্ণ হ’ব অষ্ট্ৰেলিয়া ৷
অষ্ট্ৰেলিয়া দলটো হৈছেঃ এৰণ ফিন্স (অধিনায়ক), এষ্টন অগৰ, এলেক্স কেৰী, পেট কামিন্স, গ্লেন মেক্সৱেল, ষ্টিভ স্মিথ, বেন মেক্ডেৰম’ট, কেন ৰিচাৰ্ডচন, বিলি ষ্টানলেক, মিটচেল ষ্ট্ৰাক, এষ্টন টৰ্ণাৰ, এণ্ড্ৰিও টাই, ডেবিড ৱাৰ্ণাৰ ৷
