ছিংগাপুৰ অ’পেনৰ পৰা বাহিৰ ছাইনা নেহৱাল, ছেমিফাইনেলত সিন্ধু

জাপানৰ খেলুৱৈৰ হাতত পৰাস্ত ভাৰতৰ তাৰকা শ্বাটলাৰ ছাইনা নেহৱাল ৷ কোৱাটাৰ্ৰ ফাইনেলত ন’জমী অকোহাৰাৰ হাতত পৰাস্ত হৈ টুৰ্ণামেণ্টৰ পৰা বাহিৰ ছাইনা ৷

স্পৰ্টছ ডেস্ক, 12 এপ্ৰিলঃ ছিংগাপুৰ অ’পেনৰ কোৱাৰ্টাৰ ফাইনেলত পৰাস্ত ছাইনা নেহৱাল ৷ জাপানৰ খেলুৱৈ ন’জমী অকোহাৰাৰ হাতত 21-8, 21-13 ব্যৱধানৰ ছেটত পৰাস্ত হৈ টুৰ্ণামেণ্টৰ পৰা বাহিৰ হয় ছাইনা নেহৱাল ৷ আনহাতে টুৰ্ণামেণ্টৰ আন এখন মেচত জয় লাভ কৰি ছেমিফাইনেলত প্ৰৱেশ কৰিবলৈ সক্ষম হয় ভাৰতৰ শীৰ্ষ পৰ্যায়ৰ আন এগৰাকী বেডমিণ্টন তাৰকা পি.ভি সিন্ধুৱে ৷ সিন্ধুৱে চীনৰ চাই য়ানয়ানক 13-21, 21-17, 21-14 ছেটৰ ব্যৱধানত পৰাস্ত কৰি এই সফলতা লাভ কৰিবলৈ সক্ষম হয় ৷