বৰপেটা, 18জানুৱাৰীঃ সমগ্ৰ অসমৰ লগতে শুকুৰবাৰে চেঙাত আৱাহন থিয়েটাৰৰ মঞ্চত উদযাপন কৰা হ'ল শিল্পী দিৱস ৷ অভিনেত্ৰী তথা আৱাহন থিয়েটাৰৰ প্ৰযোজক প্ৰস্তুতি পৰাশৰে বন্তি প্ৰজ্বলন কৰাৰ লগতে, আৱাহন থিয়েটাৰৰ অন্য শিল্পী-কলা কুশলী, থিয়েটাৰ পৰিচালনা সমিতিৰ বিষয়ববীয়া সকলে ৰূপকোঁৱৰৰ প্ৰতিচ্ছবিত পুষ্পাঞ্জলী প্ৰদান কৰি শিল্পীগৰাকীলৈ শ্ৰদ্ধাঞ্জলি জ্ঞাপন কৰে ৷
উল্লেখ্য যে, অহা নাট্যবৰ্ষত আৱাহন থিয়েটাৰে নৃত্য নাটিকা হিচাপে ৰূপকোঁৱৰৰ "কাৰেঙৰ লিগিৰী" পৰিৱেশন কৰিব বুলি প্ৰযোজক প্ৰস্তুতি পৰাশৰে জনায় ৷ ইয়াৰ লগতে, ক্ষুদ্ৰ শিল্পীৰ ক্ষেত্ৰত শিল্পীৰ জি.এচ.টি প্ৰযোজ্য কৰিব নোৱাৰে লগতে ভুল সময়ত শিল্পীৰ জিএচটি চৰকাৰে উত্থাপিত কৰিছে বুলি কয় অভিনেত্ৰী গৰাকীয়ে ৷ তাৰোপৰি CAA বাতিল নোহোৱা পৰ্যন্ত প্ৰতিবাদ চলি থাকিব বুলিও উল্লেখ কৰে প্ৰস্তুতি পৰাশৰে ৷
লগতে পঢ়কঃ সুন্দৰৰ পূজাৰী জ্যোতিপ্ৰসাদ আগৰৱালালৈ শিল্পী দিৱসত শ্ৰদ্ধাঞ্জলী
