চিটাৰা ডেস্ক, 29 অক্টোবৰ : হাস্পতালত চিকিৎসাধীন চুপাৰষ্টাৰ ৰজনীকান্ত ৷ বৃহস্পতিবাৰে চেন্নাইৰ কাৱেৰী হাস্পতালত ভৰ্তি কৰোৱা হয় অভিনেতাগৰাকীক ৷ তেখেতৰ আত্মীয়ই জানিবলৈ দিয়া অনুসৰি চিন্তাৰ কোনো কাৰণ নাই কেৱল নিয়মীয়া পৰীক্ষাৰ বাবেহে তেওঁক চিকিৎসালয়ত ভৰ্তি কৰোৱা হয় ৷
আনহাতে, অন্য সূত্ৰৰ পৰা জানিবলৈ পৰা অনুসৰি অভিনেতাগৰাকী infarctionত ভুগি আছে, যি হৈছে প্ৰভাৱিত এলেকালৈ অপৰ্যাপ্ত তেজ যোগানৰ ফলত হোৱা কোষৰ মৃত্যু (necrosis)। ধমনী অৱৰোধৰ ফলত এনে হ'ব পাৰে ৷
হাস্পতাল কৰ্তৃপক্ষই বৃহস্পতিবাৰৰ নিশাটো অভিনেতাগৰাকীক হাস্পতালতে ৰাখিব লাগিব বুলি জনাইছিল ৷
লগতে পঢ়ক : চুপাৰষ্টাৰ ৰজনীকান্তলৈ দাদা চাহেব ফাল্কে বঁটা
