নিউজ ডেক্স,২৫ ফেব্ৰুৱাৰীঃ ৰণবীৰ সিঙ আৰু আলিয়া ভাট্ট অভিনীত শেহতীয়াকৈ মুক্তি পোৱা চলচ্চিত্ৰ গলি বয়ে দৰ্শকৰ অভূতপূৰ্ব সফলতা লাভ কৰিবলৈ সক্ষম হৈছে। ছবিখনৰ সুন্দৰ সংলাপ, সুন্দৰ ৰেপ আৰু সুন্দৰ অভিনয়ে মন জিনিছে সকলোৰে। ছবিখনৰ ৰণবীৰ আলিয়াৰ উপৰিও খুবেই চৰ্চালৈ আহিছে অন্য় এগৰাকী অভিনেতা । এম ছি শেৰৰ চৰিত্ৰত অভিনয় কৰিছে সিদ্ধান্ত চতুৰ্ৱেদীয়ে আৰু এই অভিনয়ৰ যোগে বিশেষ প্ৰশংসা বুটলিবলৈ সক্ষম হৈছে ।
উল্লেখনীয়ভাৱে বি টাউনৰ মেগা ষ্টাৰ অমিতাভ বচ্চনে সিদ্ধান্ত চতুৰ্ৱেদীৰ কামত মন্ত্ৰমুগ্ধ হৈ শুভেচ্ছা বাৰ্তা প্ৰদান কৰাৰ লগতে প্ৰদান কৰে এটা ফুলৰ থোপা ।ইয়াৰ প্ৰত্য়ুত্তৰত সিদ্ধান্ত চতুৰ্ৱেদীয়ে বিগ বিয়ে প্ৰদান কৰা ফুলৰ থোপা আৰু বিশেষ চিঠিখনৰ ফটো তুলি প্ৰকাশ কৰে ইনষ্টাগ্ৰামত। নৱাগতজনে চ'ছিয়েল মিডিয়া যোগে এনেদৰেই নিজৰ সুখ আৰু ভাল অনুভৱ বোৰ প্ৰকাশ কৰে শব্দৰ মাধ্য়মেৰে ।
