নিউজ ডেস্ক 17 মাৰ্চঃ- বিজেপিৰ অধ্যক্ষ অমিত শ্বাহে আহিব লগা নতুন ছবি নৰেন্দ্ৰ মোডী দ্বিতীয়খন পোষ্টাৰ সোমবাৰে মুকলি দিব ৷ উমংগ কুমাৰৰ দ্বাৰা পৰিচালিত এই ছবি খনৰ মুখ্য চৰিত্ৰত বিবেক অবৰয়ে অভিনয় কৰিছে ৷ প্ৰধান মন্ত্ৰী নৰেন্দ্ৰ মোডী জীৱনৰ ওপৰত নিৰ্মিত ছবি খনে অহা 12 এপ্ৰিলত সমগ্ৰ দেশত মুক্তি দিয়া হ'ব ৷
ছবি খনৰ নিৰ্মাতা সন্দীপ সিঙে মন্তব্য কৰে যে "এই ছবি খন মোৰ হৃদয়ৰ ওচৰত৷ প্ৰথমখন পোষ্টাৰ মুকলি কৰাৰ পিচত বহু মৰম লাভ কৰিছো৷ আৰু ইয়াক কেৱল এজন ব্যক্তিয়ে অধিক উতসাতিত কৰিব পাৰিব আৰু সেই জন হৈছে অমিত শ্বাহ৷ মই দ্বিতীয় পষ্টাৰ খন মুকলি কৰিবলৈ অধিক আগ্ৰহৰে অপেক্ষা কৰি আছো৷"
উল্লেখ্য যে ছবি খনৰ অমিত শ্বাহৰ ভূমিকাত অভিনয় কৰিছে মনোজ যশোীয়ে৷ আন আন চৰিত্ৰত অভিনয় কৰা অভিনেতা সকল হৈছে দৰ্শন কুমাৰ, বমন ইৰাণী, প্ৰশান্ত নাৰায়ণ, জৰীনা বাহাৱ, বৰষা বিষ্ট সেনগুপ্তা, অঞ্জন শ্ৰীৱাস্তৱ, আৰু আনন্দ পণ্ডিতে৷
ছবি খনত মুখ্য চৰিত্ৰ নৰেন্দ্ৰ মোডীৰ চৰিত্ৰত অভিনয় কৰা বিবেক অবৰয়ে কয় যে "আনন্দ পণ্ডিত এজন খুব অনুভৱী ছবি নিৰ্মাতা লগতে বহু সংখ্যক সুন্দৰ ছবি নিৰ্মাণ কৰিছে৷ লগতে এই খন খুব সুন্দৰ ছবি আৰু ইয়াৰ অংশ হিচাপে গৰ্ব অনুভৱ কৰিছো৷"
