চিটাৰা ডেস্ক,10 নৱেম্বৰঃ আৰম্ভ হ'ল এটা সময়ৰ জনপ্ৰিয় ছবি দোস্তানাৰ চিকুৱেল দোস্তানা-2ৰ শ্বুটিঙৰ কাম ৷ এইবাৰ দোস্তানা-2ত দেখিবলৈ পোৱা যাব বলীউডৰ জনপ্ৰিয় অভিনেতা কাৰ্তিক আৰিয়ানক ৷ ইতিমধ্যে শনিবাৰে চণ্ডীগড়ত আৰম্ভ হ'ল দোস্তানা-2ৰ শ্বুটিঙৰ কাম ৷ শ্বুটিঙথলীৰ পৰা অভিনেতাগৰাকীয়ে নিজৰ ইনষ্টাগ্ৰাম একাউন্ট যোগে প্ৰকাশ কৰে শ্বুটিঙৰ কিছু বিশেষ ফটো ৷ ক্লিপাৰ বৰ্ডৰ সৈতে নিজৰ আধা মুখ উলিয়াই উঠা ফটো চ'ছিয়েল মিডিয়া যোগে প্ৰকাশ কৰে কাৰ্তিক আৰিয়ানে ৷ দৰ্শকৰ বহু প্ৰত্যাশিত ছবিখনৰ শ্বুটিঙৰ আৰম্ভণিতে ছবিখনৰ নিৰ্মাতা কৰণ জোহৰৰ সৈতে উঠা ফটোও প্ৰকাশ কৰে অভিনেতাগৰাকীয়ে ৷ য'ত অভিনেতাগৰাকীয়ে কৰণ জোহৰৰ পৰা আৰ্শীবাদ লৈ থকা পৰিলক্ষিত হৈছে ৷
প্ৰিয়ংকা চোপ্ৰা, জন আব্ৰাহম আৰু অভিষেক বচ্চন অভিনীত 2008 বৰ্ষত মুক্তি প্ৰাপ্ত ছবি দোস্তানাই দৰ্শকৰ মাজলৈ ছবিখনৰ জৰিয়তে সমকামিতা বিষয়টো উত্থাপন কৰাৰ প্ৰয়াস কৰিছিল আৰু সেই সময়ত ছবিখনে দৰ্শকৰ মাজত যথেষ্ট আলোড়নৰ সৃষ্টিও কৰিছিল ৷
