চিটাৰা ডেস্ক, 6 জুনঃ হিন্দী ছবি উদ্যোগত অভিনেত্ৰী য়ামী গৌতমে অতিক্ৰম কৰিছে 7 বছৰীয়া দীঘলীয়া যাত্ৰা ৷ শেহতীয়াকৈ অভিনেত্ৰী গৰাকীয়ে জনাইছে যে,তেঁও বিভিন্ন চৰিত্ৰ ৰূপায়ণ কৰি অনুৰাগীক আচৰিত কৰি ৰখাৰ ধাৰাবাহিকতা অব্যাহত ৰাখিব বিচাৰিছে ৷
2012 চনত ছবি বিক্কী ডনাৰৰ জৰিয়তে বলীউডত পদাৰ্পণ কৰিছিল অভিনেত্ৰী য়ামী গৌতমে৷ তাৰ পিছত অভিনেত্ৰীগৰাকীয়ে বদলাপুৰ,চনম ৰে,কাবিল, চৰকাৰ-3,উৰিঃ দ্য সাৰ্জিকেল ষ্ট্ৰাইক আৰু বালাৰ দৰে জনপ্ৰিয় ছবিত অভিনয় কৰিছিল ৷
এই বছৰটোত য়ামীয়ে তেওঁৰ যাত্ৰাত যথেষ্ট জটিলতা অনুভৱ কৰিছে বুলি ব্যক্ত কৰিছে ৷ লগতে তেঁও জনাইছে যে, তেঁও নিজৰ উত্থান-পতনৰ পৰা বহুখিনি শিকিছে ৷
