একেখন স্ক্ৰীণতে দেখা পোৱা যাব বিগ বি, দীপিকা আৰু প্ৰভাসক

শনিবাৰে দৃশ্যগ্ৰহণ আৰম্ভ হ'ল নাগ অশ্বিনৰ আগন্তুক ছবিৰ । এই ছবিখনত অভিনয় কৰিছে অভিতাভ বচ্চন, প্ৰভাস আৰু দীপিকা পাডুকণে । সম্প্ৰতি কাম আৰম্ভ কৰাৰ বাবে প্ৰজেক্টটোৰ নাম ৰখা হৈছে "কে"।

চিটাৰা ডেস্ক, ২৪ জুলাই: "পিকু" ছবিৰ সফলতাৰ পাছত এইবাৰ পুনৰ একেখন স্ক্ৰীণতে দেখা পোৱা যাব অমিতাভ বচ্চন আৰু দীপিকা পাডুকনক । ৰাষ্ট্ৰীয় বঁটা প্ৰাপক পৰিচালক নাগ অশ্বিনৰ আগন্তুক ছবিত বিগ বি, দীপিকাৰ লগতে অভিনয় কৰিব তেলেগু ছুপাৰষ্টাৰ প্ৰভাসে । শনিবাৰে ছ'চিয়েল মিডিয়াৰ জৰিয়তে নিৰ্মাতাই ছবিখনৰ দৃশ্যগ্ৰহণ আৰম্ভ হোৱাৰ কথা ঘোষণা কৰে । বহুভাষিক ছবিখন মহানতি, অগ্নি পৰ্ভাতম আৰু ইন্দ্ৰ আদি ছবিৰ বাবে জনাজাত দক্ষিণ ভাৰতীয় প্ৰডাকছন হাউচ বৈজয়ন্তী মুভিজে নিৰ্মাণ কৰিছে ।

বৈজয়ন্তী মুভিজে টুইটযোগে দৃশ্যগ্ৰহণ আৰম্ভ হোৱাৰ কথা ঘোষণা কৰি এখন ফটো শ্বেয়াৰ কৰে আৰু পোষ্টটোত লিখিছে যে, "আৰম্ভ হ'ল । গুৰু পূৰ্ণিমাৰ দিনা ভাৰতীয় ছবিৰ গুৰুৰ সৈতে কাম আৰম্ভ কৰিছো " । প্ৰথমবাৰৰ বাবে প্ৰভাসে অমিতাভ বচ্চন আৰু দীপিকাৰ সৈতে কাম কৰিছে । বলীউডৰ দুয়োগৰাকী তাৰকাই পূৰ্বে আৰক্ষণ আৰু পিকু ছবিত একেলগে কাম কৰিছিল ।

• 𝑰𝒕 𝑩𝒆𝒈𝒊𝒏𝒔...
  On the special day of #GuruPurnima, We start with the guru of Indian cinema.
  Clap by our #Prabhas.#ProjectK@SrBachchan @deepikapadukone @nagashwin7 @VyjayanthiFilms pic.twitter.com/kvxcKNbLMT

  — Vyjayanthi Movies (@VyjayanthiFilms) July 24, 2021 " class="align-text-top noRightClick twitterSection" data="

  𝑰𝒕 𝑩𝒆𝒈𝒊𝒏𝒔...
  On the special day of #GuruPurnima, We start with the guru of Indian cinema.
  Clap by our #Prabhas.#ProjectK@SrBachchan @deepikapadukone @nagashwin7 @VyjayanthiFilms pic.twitter.com/kvxcKNbLMT

  — Vyjayanthi Movies (@VyjayanthiFilms) July 24, 2021

  ">

  𝑰𝒕 𝑩𝒆𝒈𝒊𝒏𝒔...
  On the special day of #GuruPurnima, We start with the guru of Indian cinema.
  Clap by our #Prabhas.#ProjectK@SrBachchan @deepikapadukone @nagashwin7 @VyjayanthiFilms pic.twitter.com/kvxcKNbLMT

  — Vyjayanthi Movies (@VyjayanthiFilms) July 24, 2021

জানিব পৰা মতে, সম্প্ৰতি কাম আৰম্ভ কৰাৰ বাবে প্ৰজেক্টটোৰ নাম ৰখা হৈছে "কে"। আগন্তুক ছবিখন ২০৫০ চনত নিৰ্মাণ হ'ব পৰা ভৱিষ্যতৰ কাহিনীৰ আধাৰত নিৰ্মাণ কৰা হৈছে । নাগ অশ্বিনে বায়'ল'জিকেল ৱাৰফেয়াৰ আৰু মানৱ নিৰ্মিত ভাইৰাছৰ মাজৰ এক যুঁজ ছবিখনত দেখুৱাবলৈ চেষ্টা কৰিছে, যি সাম্প্ৰতিক পৰিস্থিতিৰ বিষয়ে প্ৰতিফলিত কৰিব ।

বহুভাষিক ছবিখনত প্ৰভাসক এক গুৰুত্বপূৰ্ণ চৰিত্ৰত অভিনয় কৰা দেখা যাব । ইয়াৰ পূৰ্বে বলীউড অভিনেত্ৰী শ্ৰদ্ধা কাপুৰৰ সৈতে "চাহু" ছবিখনত প্ৰভাসে অভিনয় কৰিছিল । চাহু ছবিখনে আশা কৰা ধৰণে দৰ্শকৰ সঁহাৰি লাভ কৰা নাছিল যদিও প্ৰভাসৰ বাবে বলীউডত প্ৰৱেশৰ বাট মুকলি কৰিছিল । তেলেগু ছুপাৰষ্টাৰজনে বলীউড ছবিৰ প্ৰবীণ অভিনেতা অমিতাভ বচ্চন আৰু মোহময়ী অভিনেত্ৰী দীপিকা পাডুকণৰ সৈতে অভিনয় কৰিবলৈ পাই আনন্দিত হৈ পৰিছে । ৰাষ্ট্ৰীয় বঁটা প্ৰাপক পৰিচালকগৰাকীৰ ছবিখনত এক ব্যতিক্ৰমী ৰূপত অভিনয় কৰি তিনিওগৰাকী তাৰকাই দৰ্শকৰ সমাদৰ লাভ কৰিব বুলি আশা কৰিছে ।

লগতে পঢ়ক:'হাংগামা ২' প্ৰচাৰ কৰিবলৈ গৈ ট্ৰলৰ সন্মুখীন শিল্পা চেট্টী