চিটাৰা ডেস্ক,11 আগষ্টঃ শেহতীয়াকৈ বলীউড অভিনেতা সঞ্জয় দত্তে অব্যাহতি লাভ কৰিলে মুম্বাইৰ লীলাৱতী হাস্পতালৰ পৰা ৷ শ্বাস-প্ৰশ্বাসজনিত সমস্যাত ভোগা অভিনেতা গৰাকী বৰ্তমান যথেষ্ট সুস্থ বুলি জানিবলৈ দিছে ৷
- " class="align-text-top noRightClick twitterSection" data="
">
কিন্তু শেহতীয়াকৈ ছ'চিয়েল মিডিয়া একাউন্ট যোগে জনাইছে কিছু সময়ৰ বাবে স্বাস্থ্যজনিত কাৰণত তেওঁ কামৰ পৰা সাময়িক বিৰতি লৈছে ৷ বৰ্তমান অভিনেতা গৰাকীৰ কাষত আছে তেওঁৰ পৰিয়াল আৰু বন্ধুবৰ্গ ৷
উল্লেখ্য যে, 8 আগষ্টৰ দিনা শ্বাস-প্ৰশ্বাসজনিত সমস্যাৰ বাবে জনপ্ৰিয় অভিনেতা গৰাকীক ভৰ্ত্তি কৰা হৈছিল মুম্বাইৰ লীলাৱতী হাস্পতালত ৷ তাতেই তেওঁৰ কৰ'ণা পৰীক্ষণো কৰা হৈছিল, অৱশ্যে তেওঁৰ কৰ'ণা পৰীক্ষণ নিগেটিভ আহিছিল ৷ স্বাস্থ্যৰ উন্নতি ঘটাত 10 আগষ্টত অব্যাহতি দিয়া হৈছিল মুম্বাইৰ লীলাৱতী হাস্পতালৰ পৰা ৷
