চিটাৰা ডেস্ক,30 এপ্ৰিল : বলীউডৰ গেংষ্টাৰ ড্ৰামা, থ্ৰীলাৰ, ক’মেডী আদি বিভিন্ন ছবিত অভিনয় কৰা প্ৰয়াত অভিনেতা ঋষি কাপুৰে 70ৰ দশকত এক ধাৰা অব্যাহত ৰাখিছিল ।
‘দিৱানা’ৰ অভিনেতাগৰাকীয়ে তেওঁৰ ছবিসমূহেৰে মৃত্যুৰ পাচতো দৰ্শকৰ মাজত স্মৰণীয় হৈ ৰৈছে । হিন্দী চিনেমাৰ অন্যতম ৰোমাণ্টিক নায়কগৰাকীয়ে কিশোৰ কালতেই কেমেৰাৰ সৈতে ৰোমাঞ্চ আৰম্ভ কৰিছিল । কিংবদন্তী চলচ্চিত্ৰ নিৰ্মাতা ৰাজ কাপুৰৰ পুত্ৰ ঋষি কাপুৰে 1970 চনত তেওঁ দেউতাকৰ ‘মেৰা নাম জোকাৰ’ ছবিখনৰ সৈতে আনুষ্ঠানিকভাৱে বলীউডত প্ৰৱেশ কৰিছিল ৷
- ‘মেঁ শ্বায়ৰ তো নহী’ (ববী,1973)
‘প্যা ৰ কা নাম চুনা থা মগৰ, প্যাৰ ক্যা হ্যে য়ে মুঝকো নহী থী খবৰ...’ এই জনপ্ৰিয় সংলাপেৰে ‘ববী’ ছবিখনত আত্মপ্ৰকাশ ঘটিছিল ঋষি কাপুৰ আৰু ডিম্পল কাবাডিয়াৰ ৷ ছবিখনে সেই সময়ত অধিক জনপ্ৰিয়তা লাভ কৰিছিল আৰু যুৱ প্ৰজন্মৰ মাজতো ছবিখনৰ সংলাপসমূহ চৰ্চিত হৈ পৰিছিল ৷ শৈলেন্দ্ৰ সিঙৰ কণ্ঠ আৰু আনন্দ বক্সীৰ কথাৰে ছবিখনৰ শীৰ্ষ গীত ‘মেঁ শ্বায়ৰ তো নহী’য়ে ব্যাপক চৰ্চা লাভ কৰে ৷
- " class="align-text-top noRightClick twitterSection" data="">
- ‘পৰ্দা হ্যে পৰ্দা’ (অমৰ আকবৰ এন্থোনী,1977)
মনমোহন দেশাইৰ আইক’নিক ছবিখনত ‘পৰ্দা হ্যে পৰ্দা’ শীৰ্ষক কাৱালী গীতটোত ঋষি কাপুৰৰ দেখা গৈছিল এজন এলাহাবাদী আকবৰ হিচাপে ৷ তেওঁ প্ৰেয়সী চালমাৰ সৈতে প্ৰেমত মছগুল হৈ পৰে ৷ গীতটিত চালমাৰ চৰিত্ৰত অভিনয় কৰিছিল প্ৰয়াত অভিনেতাগৰাকীৰ ৰিয়েল লাইফ পত্নী নীতু সিঙে ৷ আনহাতে, এন্থোনী চৰিত্ৰটোত অভিনয় কৰিছিল বিগ বি অমিতাভ বচ্চনক ৷
- " class="align-text-top noRightClick twitterSection" data="">
- ‘চান্দনী অ’ মেৰী চান্দনী’ (চান্দনী,1989)
ছবি নিৰ্মাতা যশ চোপ্ৰাই ৰোমাঞ্চ সনা এই গীতটিত অভিনয় কৰিছিল ঋষি কাপুৰ আৰু শ্ৰীদেৱীয়ে ৷ পাহাৰৰ শিখৰত চিফন শাৰী, বৰফৰ আমেজেৰে এই আটকধুনীয়া গীতটিয়ে বক্স অ’ফিচত এক অভিলেখ গঢ়িবলৈ সক্ষম হয় ৷
- " class="align-text-top noRightClick twitterSection" data="">
- ‘চেহৰা হ্যে য়া চান্দ খিলা হ্যে’ (চাগৰ,1985)
যদি আপুনি একপক্ষীয় প্ৰেমৰ চিকাৰ হৈছে, তেন্তে আপোনাৰ অনুভৱৰ বাবে এই গীতটি অতি মনোৰঞ্জনদায়ক ৷ গীতটিত ঋষি কাপুৰ আৰু ডিম্পল কাবাডিয়াৰ যুটিটোৱে প্ৰেমৰ অনুভৱ বৃদ্ধি কৰিছে ৷ গীতটিত কণ্ঠ নিগৰাইছিল কণ্ঠশিল্পী কিশোৰ কুমাৰে আৰু সংগীত ব্যৱস্থাপক আছিল আৰডি বৰ্মন ৷
- " class="align-text-top noRightClick twitterSection" data="">
- ‘তেৰী উম্মীদ তেৰা ইন্তজাৰ’ (দীৱানা,1992)
এই জনপ্ৰিয় গীতটিত ঋষি কাপুৰৰ সৈতে দেখা পোৱা গৈছিল দিব্যা ভাৰতী আৰু শ্বাহৰুখ খানক ৷ গীতটিত কণ্ঠদান কৰিছিল কুমাৰ চানুৱে আৰু সংগীত ব্যৱস্থাপনা কৰিছিল নীদম-শ্ৰৱণে ৷ আনহাতে গীতটিৰ কথা সমীৰৰ ৷
- " class="align-text-top noRightClick twitterSection" data="">
- ‘চোচেংগে তুমহে প্যাৰ’ (দীৱানা,1992)
‘দীৱানা’ ছবিখনত ঋষি কাপুৰে এগৰাকী কণ্ঠশিল্পীৰ চৰিত্ৰত অভিনয় কৰিছিল ৷ আনহাতে শ্বাহৰুখ খানে এই ছবিখনেৰেই বলীউডত ভূমুকি মাৰিছিল ৷ দুয়োৰে বিপৰীত চৰিত্ৰত অভিনয় কৰিছিল প্ৰয়াত মোহময়ী অভিনেত্ৰী দিব্যা ভাৰতীয়ে ৷
- " class="align-text-top noRightClick twitterSection" data="">
- ‘ওম শান্তি ওম’ (কৰ্জ,1980)
সুভাষ ঘাইৰ ছবি ‘কৰ্জ’ত আছে ঋষি কাপুৰৰ আটাইতকৈ আইক’নিক গীত ৷ ‘এক হাছিনা থী’, ‘ওম শান্তি ওম’, ‘দৰ্দ-এ-দিল’, ‘মে চোল্লা বৰছ কী’ আদি সকলো কেইটা গীতেই ব্লকবাষ্টাৰ গীতৰ তালিকাত অন্তৰ্ভুক্ত হৈছে ৷
- " class="align-text-top noRightClick twitterSection" data="">
- ‘বচ্চনা এ হাছিনো’ (হম কিছিছে কম নহী,1977)
দশক দশকৰ পাচত আজিও সংগীত প্ৰেমীসকলে আলোচনা কৰে ঋষি কাপুৰৰ গীতসমূহৰ বিষয়ে ৷ তেওঁৰ এই গীতসমূহৰ বহুকেইটা গীত যেনে- ‘বচ্চনা এ হাছিনো’ গীতটি ঋষি কাপুৰৰ পুত্ৰ ৰণবীৰ কাপুৰে পুনৰ 2008 চনত একেই নামৰ ছবিযোগে জনপ্ৰিয় কৰি তোলে ৷
- " class="align-text-top noRightClick twitterSection" data="">
2018 চনত কৰ্কট ৰোগত আক্ৰান্ত প্ৰায় এবছৰজুৰি নিউয়ৰ্কত চিকিৎসাধীন হৈ আছিল ঋষি কাপুৰ । সুস্থ হোৱাৰ পাচত তেওঁ 2019 চনৰ ছেপ্টেম্বৰত ভাৰতলৈ উভতি আহিছিল । কিন্তু অভিনেতাগৰাকীয়ে লিউকেমিয়াৰ সৈতে যুঁজি বিগত বৰ্ষৰ 30 এপ্ৰিলত আমাৰ মাজৰ পৰা বিদায় মাগে ৷
এইগৰাকী চিৰসেউজ ৰোমাণ্টিক অভিনেতাৰ অভিনয়ৰ গাঁথা আমাৰ হৃদয়ত চিৰকাল স্মৰণীয় হৈ ৰ’ব ৷
লগতে পঢ়ক : ক'ভিড-১৯: ত্ৰিপুৰাত ডাবল মিউটেণ্টৰ দ্বাৰা সংক্ৰমিত লোক চিনাক্ত
