চিটাৰা ডেস্ক,16 ডিচেম্বৰ : অভিনেত্ৰী তথা প্ৰযোজক প্ৰিয়ংকা চোপ্ৰাই তেওঁৰ আগন্তুক ৰোমাণ্টিক ছবি 'Text For You'ৰ শ্বুটিংস্থলীৰ পৰা মিলিয়ন অনুৰাগীলৈ এখন ফটো শ্বেয়াৰ কৰে ৷
আনহাতে ভাইৰেল হোৱা ফটোত প্ৰিয়ংকাক লণ্ডনৰ পদপথত হলিউড অভিনেতা চেম হেগানৰ সৈতে ৰোমাণ্টিক প’জ দি থকা পৰিলক্ষিত হৈছে ৷ চ’ছিয়েল মিডিয়াযোগে প্ৰিয়ংকাই আইনাৰ সন্মুখত উঠা এখন চেল্ফী শ্বেয়াৰ কৰে, য’ত অভিনেত্ৰী গৰাকীক শ্বুটিঙৰ বাবে সাজু হোৱা দেখা গৈছে ৷
- " class="align-text-top noRightClick twitterSection" data="
">
'Text For You' ছবিখনৰ Sofie Cramerৰ উপন্যাসৰ আধাৰত নিৰ্মাণ হ’ব ৷ ছবিখনৰ কাহিনী আৰু প্ৰযোজনা কৰিছে জিম ষ্ট্ৰাউছে ৷ উল্লেখ্য যে, ছবিখনত প্ৰিয়ংকাৰ স্বামী পপ্ ষ্টাৰ নিক জোনাছক এটি কেমিঅ’ চৰিত্ৰত দেখিবলৈ পোৱা যাব ৷
ছবিখনৰ কাহিনী অনুসৰি,প্ৰিয়ংকাই এগৰাকী দুঃখিত মহিলাৰ চৰিত্ৰত অভিনয় কৰিব, যিয়ে তেওঁৰ প্ৰিয়জনক বিচাৰি ফুৰে ৷ অৱশেষত কোনোবা এঠাইত তেওঁৰ একেই দুখৰ সমভাগী এজন লোকৰ সৈতে পৰিচয় হ’ব ৷
এই ছবিখনৰ পাচত অভিনেত্ৰী প্ৰিয়ংকাক হলিউড ছবি 'The White Tiger'ত দেখিবলৈ পোৱা যাব ৷ লগতে তেওঁ 'We Can Be Heroes' ছবিখনত সহ প্ৰযোজক হিচাপে কাম কৰিব ৷
লগতে পঢ়ক : 'Mummy Kasam' ৰ দৃশ্যগ্ৰহণৰ আঁৰত হোৱা কেতবোৰ দৃশ্য দেখুৱালে বৰুণ ধাৱানে
