চিটাৰা ডেস্ক, ১৮ ফেব্ৰুৱাৰী: এক ৰহস্যজনক হত্যাৰ আধাৰত নিৰ্মিত ছবি 'চাইলেন্স কেন ইউ হিয়াৰ ইট'ত অভিনয় কৰিছে বলিউড অভিনেত্ৰী প্ৰাচী দেশাইৰ লগতে মনোজ বাজপেয়ীয়ে । অচিৰেই মুক্তিৰ পথত ছবিখন ।
ছবিখনত অভিনয় কৰিবলৈ পায় নিজকে সুখী অনুভৱ কৰে অভিনেত্ৰীগৰাকীয়ে । ছবিখনৰ সকলো কলা-কুশলী আৰু কৰ্মচাৰীৰ সৈতে একেলগে কাম কৰি নথৈ আনন্দিত ক’লে প্ৰাচীয়ে । সকলোকে এই ছবিখন চাবলৈকো অনুৰোধ জনালে অভিনেত্ৰী প্ৰাচীয়ে ।
ছবিখনত অৰ্জুন মাথুৰ আৰু চাহিল বৈদেও অভিনয় কৰিছে । চলিত বৰ্ষৰ মাৰ্চ মাহত জি-৫ ত মুক্তি লাভ কৰিব ছবিখন । এগৰাকী মহিলাক ৰহস্যজনকভৱে হত্যা কৰা এক ঘটনাৰ আলমত নিৰ্মাণ কৰা হৈছে 'চাইলেন্স কেন ইউ হিয়াৰ ইট' ।
লগতে পঢ়ক: ‘লাইফ ইন্ এ পাপেট’ৰ আন এক সাফল্য
