চিটাৰা ডেস্ক, 17 মাৰ্চ : প্ৰায় 50 বছৰ ধৰি বলীউডত দপদপাই থকা অভিনেতা ঋষি কাপুৰে অভিনয়ৰ সমান্তৰালকৈ ছবি নিৰ্মাণ আৰু প্ৰযোজনাৰ কামো কৰিছিল ৷ নিজৰ নিৰ্ভেজাল অভিনয়েৰে দৰ্শকৰ অন্তৰত এক সুকীয়া স্থান দখল কৰা অভিনেতাজনে লাভ কৰিছিল চাৰিটাকৈ ফিল্মফেয়াৰ এৱাৰ্ড আৰু এটা নেশ্যনেল ফিল্ম এৱাৰ্ড ৷
জনপ্ৰিয় অভিনেতা ঋষি কাপুৰে 2020 চনৰ 30 এপ্ৰিলত কেঞ্চাৰৰ সৈতে যুঁজি শেষ নিশ্বাস ত্যাগ কৰে (Rishi Kapoor death reason) ৷ হিন্দী ছবিজগতৰ প্ৰতিজন দৰ্শকে সদায় মনত ৰাখিব এইজন মহান অভিনেতাক ৷ 17 মাৰ্চত তেওঁৰ শেষৰখন ছবি ‘শৰ্মাজী নমকিন’ৰ ট্ৰেইলাৰ মুকলি হয় (sarmaji namkeen trailer) ৷
- " class="align-text-top noRightClick twitterSection" data="
">
পত্নী নীতু কাপুৰে নিজৰ ইন্ষ্টাগ্ৰাম একাউণ্টৰ জৰিয়তে প্ৰয়াত স্বামীৰ এই ছবিখনৰ প্ৰতি থকা অধীৰ আগ্ৰহৰ কথা প্ৰকাশ কৰে ৷ তেওঁ লিখে যে এই ছবিখন তেওঁৰ অতি আদৰৰ ৷ বেমাৰৰ সৈতে যুঁজিও ছবিখনৰ শ্বুটিং শেষ কৰিবলৈ ঋষি কাপুৰ কিদৰে চেষ্টা কৰিছিলে সেইয়া সুৱঁৰি উচুপি উঠে নীতু কাপুৰ (Rishi Kapoor last film) ৷
হিতেশ ভাইটিয়াই নিৰ্মাণ কৰা এই ছবিখনত মুখ্যতঃ দেখুওৱা হৈছে অৱসৰৰ পিছত এজন মানুহে ৰন্ধন-প্ৰকৰণক লৈ তেওঁৰ নিচাক কিদৰে উদ্ভাৱন কৰে ৷ ছবিখনৰ শ্বুটিং চলি থকাৰ মাজতে ঋষি কাপুৰৰ মৃত্যু ঘটাত ছবিখনৰ শ্বুটিং আধৰুৱা হৈ ৰয় ৷
তাৰ পিছত ঋষি কাপুৰৰ চৰিত্ৰটো পৰেশ ৰাৱলে ৰূপায়ন কৰে ৷ ভাৰতীয় ছবিজগতৰ প্ৰথমখন ছবি য’ত এটা চৰিত্ৰত দৰ্শকে দুজনকৈ বিশিষ্ট অভিনেতাক দেখিবলৈ পাব ৷
- " class="align-text-top noRightClick twitterSection" data="
">
ছবিখনত জুহি চাওলাক মুখ্য চৰিত্ৰত দেখিবলৈ পোৱা যাব ৷ 31 মাৰ্চত আমাজন প্ৰাইমত মুক্তি লাভ কৰিব ছবিখনে (Rishi Kapoor last film release date) ৷
লগতে পঢ়ক: Rishi Kapoor last film: শীঘ্ৰেই মুক্তি পাব ঋষি কাপুৰৰ অন্তিম খন ছবি 'শৰ্মাজী নামকিন'
