গোবিন্দাৰ পুত্ৰক নিজৰ গাড়ীৰে খুন্দিয়াই খবৰ নল'লে যশৰাজ পৰিয়ালে

কিছুদিন পূৰ্বে দুৰ্ঘটনাত পতিত হৈছিল বলীউডৰ জনপ্ৰিয় অভিনেতা গোবিন্দাৰ পুত্ৰৰ গাড়ী ৷ গোবিন্দাৰ পুত্ৰ হৰ্ষবৰ্দ্ধনৰ গাড়ীত খুন্দা লাগিছিল যশৰাজৰ পত্নীৰ গাড়ীৰ ৷ ফলত আঘাতপ্ৰাপ্ত হৈছিল গোবিন্দাৰ পু্ত্ৰ ৷ গুৰুতৰ ভাৱে আঘাত প্ৰাপ্ত নোহোৱাৰ বাবে আৰক্ষীক খবৰ নিদিলে গোবিন্দাৰ পৰিয়ালে ৷ কিন্তু গোবিন্দা আচৰিত হৈছে এটা কথাত যে, বৰ্তমানলৈকে গোবিন্দাৰ পুত্ৰৰ খবৰ এটা লোৱাৰো প্ৰয়াস কৰা নহ'ল যশৰাজ পৰিয়ালৰ তৰফৰ পৰা ৷

চিটাৰা ডেস্ক,1 জুলাইঃ কিছুদিন পূৰ্বে মুম্বাইত দুৰ্ঘটনাত পতিত হয় বলীউডৰ জনপ্ৰিয় অভিনেতা গোবিন্দাৰ পুত্ৰৰ গাড়ী ৷ গোবিন্দাৰ পুত্ৰ হৰ্ষবৰ্ধনৰ গাড়ীৰ সৈতে খুন্দা লাগিছিল ছবি নিৰ্মাতা যশ চোপ্ৰাৰ পত্নী পামেলা চোপ্ৰাৰ গাড়ীৰ ৷ ফলত আঘাতপ্ৰাপ্ত হৈছিল হৰ্ষবৰ্ধন ৷ দুৰ্ঘটনাটোত গুৰুতৰ ভাৱে আঘাত নোপাৱাৰ বাবেই গোবিন্দাৰ পৰিয়ালৰ তৰফৰ পৰা আৰক্ষীক কোনোধৰণৰ গোচৰ আৰোপ কৰা নহ'ল ৷

কিন্তু গোবিন্দা এটা কথাত আচৰিত হৈছে যে,বৰ্তমানলৈকে গোবিন্দাৰ পুত্ৰ হৰ্ষবৰ্ধনৰ খবৰ এটা লোৱাৰো প্ৰয়াস কৰা নহ'ল যশৰাজ পৰিয়ালৰ তৰফৰ পৰা ৷ গোবিন্দাই শেহতীয়াকৈ এটা সাক্ষাৎকাৰ যোগে কয় যে, দুৰ্ঘটনাটো হোৱাৰ ইমান দিনৰ পিছতো যশৰাজ পৰিয়ালৰ তৰফৰ পৰা এবাৰো তেওঁৰ পুত্ৰৰ স্বাস্থ্যৰ খবৰ লোৱা নহ'ল ৷ আনকি এটা ফোনো নাহিল বুলি আক্ষেপ কৰে অভিনেতাগৰাকীয়ে ৷

গোবিন্দাৰ পুত্ৰৰ দুৰ্ঘটনাৰ খবৰ পোৱাৰ পিছতে অনুৰাগীসকলে হৰ্ষবৰ্ধনৰ সু-স্বাস্থ্য কামনা কৰা পৰিলক্ষিত হৈছে ৷

অভিনেতাগৰাকীৰ কামৰ কথালৈ চালে, অভিনেতা গৰাকীক শেষবাৰৰ বাবে দেখা গৈছিল 2019ৰ কমেডী ছবি ৰংগীলা ৰাজাত ৷ তাৰ পিছৰ পৰা অভিনেতা গৰাকীক অভিনয় ক্ষেত্ৰত দেখাৰ সুযোগ লাভ কৰা নাই অনুৰাগীসকলে ৷

লগতে পঢ়কঃ'বাধাই হো'ৰ পৰিচালকৰ মতে 'টিউবলাইট' এখন অভাৰৰেটেড ছবি