চিটাৰা ডেস্ক, ৩ এপ্ৰিল: বলিউড অভিনেতা ৰিতেশ দেশমুখে শনিবাৰে পুনৰ এটা হাস্যকৰ ভিডিঅ' শ্বেয়াৰ কৰিছে । ইনষ্টাগ্ৰাম পোষ্টযোগে শ্বেয়াৰ কৰা এই ধেমেলীয়া ভিডিঅ'টোত দেখা গৈছে যে, অভিনেতা গৰাকীৰ পত্নী জেনেলিয়া দেশমুখে তেওঁৰ ফোনত তেওঁলোকৰ বিবাহৰ ফটোবোৰ ৰিতেশক চাবলৈ কৈ আছে । ভিডিঅ'টোত বেকগ্ৰাউণ্ড মিউজিক হিচাপে জগজিৎ সিঙৰ জিন জাখম ক' ৱক্ত ভৰ চলা হে তুম কিয় উনহে ছেড়ে জা ৰহে হ' শীৰ্ষক গীতটো শুনা গৈছিল ।
এই ভিডিঅ'টোত ৰিতেশৰ হাস্যকৰ অভিব্যক্তিয়ে অনুৰাগীক হাঁহিৰ খোৰাক যোগাইছে । বিগত বৰ্ষৰ অক্টোবৰ মাহত জেনেলিয়াই প্ৰকাশ কৰিছিল যে, তেওঁ স্বামীৰ সৈতে কাম কৰিব বিচাৰে । কেনে ধৰণৰ স্ক্ৰিপ্টত তেওঁলোকক একেলগে কাম কৰিব বিচাৰিব বুলি সোধা প্ৰশ্নৰ উত্তৰত জেনেলিয়াই কৈছিল যে, "তেওঁলোকে একেলগে অভিনয় কৰা বহুত দিন হৈছে । পুনৰ একেলগে কাম কৰাৰ সুযোগ পাব বুলিও অভিনেত্ৰীগৰাকীয়ে আশা ব্যক্ত কৰে । তেওঁ কয় যে, তেওঁ বৰ্তমান এনেধৰণৰ কামৰ সৈতে সম্পৰ্কিত স্ক্ৰীপ্ট পঢ়ি আছে ।
- " class="align-text-top noRightClick twitterSection" data="
">
ৰিতেশে জেনেলিয়াক এই কামৰ বাবে সন্মতি প্ৰকাশ কৰিবলৈ কৈছিল । জেনেলিয়া আৰু ৰিতেশে তেওঁলোকৰ প্ৰথম বলিউড ছবি 'তুঝে মেৰী কছম'ৰ দৃশ্যগ্ৰহণস্থলীত লগ পাইছিল । ইয়াৰ পিছত ২০০৪ চনত মুক্তি লাভ কৰা 'মস্তি' আৰু ২০১২ চনত মুক্তি পোৱা 'তেৰে নাল লাভ হো গয়া'ত একেলগে অভিনয় কৰিছিল । ৰিতেশ আৰু জেনেলিয়াই ২০১২ চনত বিবাহপাশত আবদ্ধ হৈছিল আৰু তেওঁলোকৰ ৰহয়াল আৰু ৰিয়ান নামৰ দুজন পুত্ৰ আছে ।
