চিটাৰা ডেস্ক, 4 ফ্ৰেব্ৰুৱাৰী : সঞ্জয় লীলা ভাঞ্চালীয়ে পৰিচালনা কৰা বহু প্ৰতিক্ষীত ছবি গংগুবাই কাথিয়াৱাড়ীৰ আজি মুকলি হ’ল ট্ৰেইলাৰ (Gangubai Kathiawadi trailer launch) ৷ বিগত বৰ্ষৰ শেষৰফালে ছবিখন ইতিমধ্যেই বাৰ্লিন চলচিত্ৰ মহোৎসৱত প্ৰদৰ্শনৰ বাবে বাচনি হৈছিল ৷
ছবিখনত প্ৰায় দুটা দশকৰ অন্তত পুনৰবাৰ যুটি বান্ধিছে সঞ্জয় লীলা ভাঞ্চালী আৰু অজয় দেৱগণ(Ajay Devgn and Sanjay leela Bhansali duo) ৷ হাম দিল চুকে চনমৰ বৃহৎ সফলতাৰ পিছত এই যুটিৰ দ্বিতীয়খন ছবিক লৈ যথেষ্ট আশাবাদী ছবিপ্ৰেমী ৰাইজ ৷
- " class="align-text-top noRightClick twitterSection" data="">
বিখ্যাত লেখক হুছেইন জাইদীৰ গ্ৰন্থ 'মাফিয়া কুইনছ্ অৱ মুম্বাই ' ৰ কাহিনীৰ ওপৰত আধাৰিত এই ছবিখন ৷ 1960 ৰ দশকৰ কামাথিপুৰাৰ এগৰাকী শক্তিশালী, সকলোৰে প্ৰিয় তথা সন্মানীয় নাৰীৰ চৰিত্ৰত অভিনয় কৰিছে আলিয়াই ৷
ট্ৰেইলাৰটোত আলিয়াক সম্পূৰ্ণ এটা নতুন অৱতাৰত দেখা পোৱা গৈছে ৷ কালৈও খাতিৰ নকৰা গংগুবাইয়ে নিজৰ নামৰ সৈতে থকা মুৰ্দাবাদ ধ্বনিক কিদৰে সন্মানলৈ পৰিৱৰ্তন কৰিলে সেইয়া দেখিবলৈ পোৱা যাব ছবিখনত ৷ অজয় দেৱগণ আৰু আলিয়াৰ যুটি সম্পৰ্কত একো জানিব পৰা ন’গল ট্ৰেইলাৰটো চাই ৷
লগতে পঢ়ক: Release Date of Gangubai Kathiawadi: ঘোষণা হ’ল গংগুবাই কাথিয়াৱাড়ীৰ মুক্তিৰ নতুন দিন
