চিটাৰা ডেস্ক, ১৮ এপ্ৰিল: দহদিন পূৰ্বে কৰ'ণাত আক্ৰান্ত হৈছিল বলীউডৰ অভিনেত্ৰী ভূমি পেডনেকাৰ । ক'ভিডৰ সৈতে যুঁজি থকাৰ পাচত অৱশেষত নিগেটিভ ফলাফল আহিল বলীউডৰ অভিনেত্ৰী ভূমি পেডনেকাৰৰ ক'ভিড-১৯ ৰ পৰীক্ষাত । শনিবাৰে ইনষ্টাগ্ৰামত এই খবৰ শ্বেয়াৰ কৰে অভিনেত্ৰীগৰাকীয়ে । যোৱা ৫ এপ্ৰিলত অভিনেত্ৰীগৰাকীৰ দেহত ক'ভিডৰ অৱস্থিতি ধৰা পৰাৰ কথা পোহৰলৈ আহিছিল । সামান্য লক্ষণ আছিল অভিনেত্ৰীগৰাকীৰ দেহত ।
- " class="align-text-top noRightClick twitterSection" data="
">
চলিত মাহৰ আৰম্ভণিতে পেডনেকাৰে কৰণ জোহৰৰ ছবি মিঃ লেলেৰ দৃশ্যগ্ৰহণৰ কামত ব্যস্ত আছিল । উক্ত ছবিখনত পেডনেকাৰৰ বিপৰীতে অভিনেতা বিকি কৌশলেও অভিনয় কৰিছিল । শেহতীয়াকৈ বিকি কৌশলৰ দেহতো ক'ভিডৰ অৱস্থিতি ধৰা পৰিছিল ।
ইফালে, বলীউডৰ অভিনেতা অৰ্জুন ৰামপালৰ দেহত ধৰা পৰে ক'ভিড-১৯ ৰ অৱস্থিতি । শনিবাৰে ইনষ্টাগ্ৰামত এই খবৰ শ্বেয়াৰ কৰে অভিনেতাগৰাকীয়ে । সম্প্ৰতি অভিনেতাগৰাকী হোম কোৱাৰেণ্টাইনত থাকি ক'ভিড নীতি-নিয়ম পালন কৰি আছে । তেওঁৰ সংস্পৰ্শলৈ অহা সকলো লোককে প্ৰয়োজনীয় সাৱধানতা অৱলম্বন কৰিবলৈ আহ্বান জনায় । অৱশ্যে তেওঁৰ দেহত কোনোধৰণৰ লক্ষণ দেখা নাছিল । উল্লেখ্য যে, বিগত কেইদিনে বলীউড জগতৰ কেবাজনো তাৰকা ক'ভিড-১৯ ত আক্ৰান্ত হৈছে ।
- " class="align-text-top noRightClick twitterSection" data="
">
শেহতীয়াকৈ, নীল নীতিন মুকেশ, চনু চুড, মনীষ মালহোত্ৰা, কেটৰিনা কাঈফ, অক্ষয় কুমাৰ, গোবিন্দা, পৰেশ ৰাৱাল, আলিয়া ভাট, ৰণবীৰ কাপুৰ আৰু ৰোহিত শাৰাফ ক'ভিড-১৯ ত আক্ৰান্ত হৈছে । তেওঁলোকৰ পূৰ্বে, অমিতাভ বচ্চন, অভিষেক বচ্চন, অৰ্জুন কাপুৰ, মালাইকা আৰোৰা আৰু একাংশ তাৰকা ক'ভিড-১৯ ত আক্ৰান্ত হৈছে ।
