চিটাৰা ডেস্ক, ১৯ জুলাই : স্ত্ৰীৰোগ বিশেষজ্ঞৰ চৰিত্ৰ ৰূপায়ণ কৰি দৰ্শকৰ সমাদৰ লাভ কৰিবলৈ সাজু হৈছে অভিনেতা আয়ুষ্মান খুৰানা । শীঘ্ৰেই অনুভূতি কাশ্যপে পৰিচালনা কৰা "Doctor G" শীৰ্ষক ছবিখনৰ দৃশ্যগ্ৰহণ আৰম্ভ হোৱাৰ সংকেত দিছে অভিনেতাগৰাকীয়ে । সোমবাৰে পুৱা ইনষ্টাগ্ৰাম পোষ্টযোগে ছবিখনৰ ফাৰ্ষ্ট লুক শ্বেয়াৰ কৰে অভিনেতাগৰাকীয়ে । ফটোখনত হাতত স্ত্ৰীৰোগ বিষয়ক এখন কিতাপ লৈ থকা দেখা গৈছে ।
ফটোখন শ্বেয়াৰ কৰি আয়ুষ্মানে হিন্দীত লিখিছে যে, "ডক্টৰ জি তৈয়াৰ হ' কৰ নিকল ৰহে হ্যে । অৱ হ'গি শ্বুটিং ।" বৰ্তমান "ডক্টৰ জি"ৰ দৃশ্যগ্ৰহণৰ বাবে আয়ুষ্মানসহ গোটেই দলটো মধ্য প্ৰদেশৰ ভূপাললৈ ৰাওনা হৈছে । অনেক আৰু চণ্ডিগড় কৰে আশিকীৰ পিছত "ডক্টৰ জি" হ'ব মহামাৰীৰ মাজত দৃশ্যগ্ৰহণ কৰা আয়ুষ্মানৰ তৃতীয়খন ছবি । "ডক্টৰ জি"ৰ কাহিনী সুমিত চাক্সেনা, বিশাল ৱাঘ আৰু সৌৰভ ভাৰতে লিখিছে ।
চিকিৎসক তথা লেখক সৌৰভ ভাৰতে চিকিৎসা মহাবিদ্যালয়ত কটোৱা তেওঁৰ জীৱনৰ অভিজ্ঞতাৰ পৰা অনুপ্ৰেৰণা লৈ এই ছবিখনৰ কাহিনী ৰচনা কৰিছে । প্যাৰ কা পাঞ্চনামা আৰু কৰণ জোহৰৰ লাষ্ট ষ্ট'ৰীজৰ কাহিনী ৰচনা কৰা সুমিত চাক্সেনায়ো এই ছবিখনৰ সংলাপ লিখিছে ।
- " class="align-text-top noRightClick twitterSection" data="
">
ছবি পৰিচালক অনুভূতি কাশ্যপে ইয়াৰ পূৰ্বে বহু প্ৰশংসিত চুটি ছবি 'মই মৰজানী'(Moi Marjaani) পৰিচালনা কৰিছিল । আয়ুষ্মানে শেহতীয়াকৈ দৃশ্যগ্ৰহণ সম্পূৰ্ণ কৰা চণ্ডীগড় কৰে আশিকীত বাণী কাপুৰক অভিনেতাজনৰ বিপৰীতে দেখা পোৱা যাব । ছবিখনৰ নিৰ্দেশনা অভিষেক কাপুৰৰ ।
লগতে পঢ়ক: উত্তৰাখণ্ডত ডাৱৰ বিস্ফোৰণত একেটা পৰিয়ালৰ তিনিগৰাকী নিহত: সন্ধানহীন 4
