নিউজ ডেস্ক,3 জুলাইঃ মায়ানগৰী মুম্বাইৰ কৃত্ৰিম বানকলৈ তাচ্ছিল্যসূচক মীম চ'ছিয়েল মিডিয়াত শ্বেয়াৰ কৰে বলিউড মেগাষ্টাৰ অমিতাভ বচ্চনে ৷ বিশিষ্ট অভিনেতা গৰাকীয়ে স্বেয়াৰ কৰা মীম চ'ছিয়েল মিডিয়াত ভাইৰেল হোৱাৰ পাচতে কিছু অনুৰাগীয়ে সমালোচনা কৰাৰ উপৰিও আন একাংই মীমটো শ্বেয়াৰ কৰা পৰিলক্ষিত হয় ৷ অভিনেতা গৰাকীয়ে জনপ্ৰিয় গীত 'দো লফ্জো কী হ্যে দিল কী কাহানী' ৰ স্নেপশ্বটৰ আধাৰতে বনাইছিল মাীমটো ৷ য'ত অমিতাভ বচ্চনে অভিনেত্ৰী জীনত অমানৰ লগত নাৱৰে যাত্ৰা কৰি থকা দেখিবলৈ পোৱা যায় ৷ বলিউড বিগ বি অমিতাভ বচ্চনে মুম্বাইৰ বৰ্তমানৰ বান পৰিস্থিতিৰ লগত খাপ খোৱাকৈ মীমটো শ্বেয়াৰ কৰে ৷
