নিউজ ডেস্ক, 17 আগষ্টঃ অক্ষয় কুমাৰৰ বহু চৰ্চিত ছবি "মিশ্বন মংগলে" মুক্তিৰ দ্বিতীয় দিনা উপাৰ্জন কৰে 17.28 কোটি টকা ৷ 15 আগষ্টত মুক্তি লাভ কৰা ছবিখনে দুদিনৰ ভিতৰতে সৰ্বমুঠ 46.44 কোটি টকাৰ ব্যৱসায় কৰিবলৈ সক্ষম হয়৷ বক্স অফিচত নিজৰ অৰ্ধশতকৰ পৰা মাথো কিছু খোজ দূৰত থকা "মিশ্বন মংগলে" দৰ্শকৰ পৰা লাভ কৰিছে বিপুল সঁহাৰি৷ আনহাতে জন আব্ৰাহমৰ "বটলা হাউছ" ছবি আৰু "মিশ্বন মংগল" একেদিনাই মুক্তি লাভ কৰিছিল৷ দুয়োখন ছবি একেলগে মুক্তি দিয়াৰ পিচতো কোনো সংঘৰ্ষ অবিহনে মুক্তিৰ প্ৰথম দিনাই 29.16 কোটিৰ উপাৰ্জন কৰিবলৈ সক্ষম হয় "মিশ্বন মংগলে"৷ চলচিত্ৰ সমালোচক তৰণ আদৰ্শে টুইটাৰ যোগে ছবিখনে কৰা উপাৰ্জনৰ সবিশেষ তথ্য জনায়৷
উল্লেখ্য যে, ছবিখনত মুখ্য চৰিত্ৰত অক্ষয় কুমাৰৰ লগতে অভিনয় কৰিছে শ্বৰমান যোশী, সোনাক্ষী সিন্হা, বিদ্যা বালান আৰু কৃতি কুল্হাৰীয়ে৷
