আগন্তুক দিনত গৌতম আদানীয়ে লৈ আহিব এটা ছুপাৰ এপ(Super App of Gautam Adani) । ব্লুমবাৰ্গৰ এক প্ৰতিবেদন অনুসৰি আদানীয়ে এই এপটো মুকলি কৰাৰ প্ৰস্তুতি চলাইছে । ইয়াক তেওঁলোকৰ ইন-হাউছ স্মাৰ্টআপে নিৰ্মাণ কৰিছে ।
শেহতীয়াকৈ ফাইনেন্সিয়েল টাইমছক দিয়া এক সাক্ষাৎকাৰত আদানীয়ে কয় যে, আগন্তুক তিনিৰ পৰা ছমাহৰ ভিতৰত এই পৰ্টেল আৰম্ভ হ’ব । অৱশ্যে আদানীয়ে ইয়াক আনিব পাৰিলেহেঁতেন মহামাৰীৰ সময়তো, যেতিয়া অনলাইন সেৱাৰ ডিমাণ্ড বৃদ্ধি পাবলৈ ধৰিছিল । তেতিয়া সমগ্ৰ বিশ্বতে টেক উদ্যোগটোৱে এক কঠিন সময়ৰ মাজেৰে পাৰ হৈ গৈছে । ইফালে ভাৰতীয় ই-কমাৰ্চ খণ্ডতো প্ৰতিযোগিতা কঠোৰ ।
বিমানবন্দৰৰ যাত্ৰীসকলে ডাউনলোড কৰিব লাগিব
প্ৰতিবেদনত কোৱা হৈছে যে, এই মোবাইল এপটোৱে(Gautam Adani app) আদানীৰ বিমানবন্দৰৰ যাত্ৰীসকলক গোটৰ অন্যান্য সেৱাৰ সৈতে সংযোগ কৰিব । ইয়াৰ উদ্দেশ্য হ’ব এপটোৰ ডাউনলোডৰ সংখ্যা বৃদ্ধি কৰা । আদানীয়ে দেশৰ ৭টা বিমানবন্দৰ চলায় । ইয়াৰ উপৰিও বৰ্তমান তেওঁলোকে মুম্বাইৰ বাবে নতুন টাৰ্মিনেল আৰু ৰাণৱেও নিৰ্মাণ কৰি আছে । মুঠতে দেশৰ ২০ শতাংশ বিমান যাতায়ত তেওঁলোকৰ জৰিয়তে কাম কৰে ।
আদানীয়ে বিনামূলীয়া ৰাইড সেৱা সেৱাৰ ওপৰতো কাম কৰি আছে । বিমানবন্দৰ থকা চহৰসমূহত বিনামূলীয়া টেক্সি সেৱাৰ কাম কৰি আছে । তেওঁৰ দুটা গ’ল আছে । এটা হ’ল মানুহে আপোনাৰ এপটো নিজৰ ফোনত ডাউনলোড কৰা আৰু আনটো হ’ল আন কামৰ বাবে আপোনাৰ এপলৈ গ্ৰাহকক লৈ অনা ।
চুপাৰ এপছৰ উৎপত্তি চীনৰ পৰাই হৈছিল
অনলাইন শ্বপিং, পেমেণ্ট, মনোৰঞ্জন, ছ’চিয়েল মিডিয়া আৰু ফাইনেন্সক একে ঠাইতে অনাটো চীনৰ মডেল । ইতিমধ্যে আলিবাবা গ্ৰুপ হোল্ডিং লিমিটেড, টেনচেণ্ট হোল্ডিংছ লিমিটেড আৰু মেইটুৱানে এনে কাম কৰিছে । বিশাল টেক কোম্পানীসমূহৰ ক্ৰমাৎ বৃদ্ধি পোৱা প্ৰসাৰত চীনে বাধাৰ সৃষ্টি কৰিছে আৰু তেওঁলোকক লক্ষ্য কৰি লৈছে ।
উল্লেখ্য যে, গৌতম আদানীয়ে আগন্তুক দহ বছৰত ১০০ বিলিয়ন ডলাৰ বিনিয়োগ কৰাৰ পৰিকল্পনা ঘোষণা কৰিছে । ইয়াৰে ৭০ শতাংশ নবীকৰণযোগ্য শক্তিত দেখা যাব । মুঠ ১,২১১,৪৬০.১১ কোটি টকা সম্পত্তিৰে আদানী গোটৰ মুৰব্বীগৰাকীয়ে দেশৰ সৰ্ববৃহৎ মুন্দ্ৰা বন্দৰৰ স্বত্বাধিকাৰীও ।
লগতে পঢ়ক: Home Remedies: ঘৰুৱা পদ্ধতিয়ে মুখৰ দাগ দূৰ কৰেনে ?
