শেহতীয়াকৈ নয়ডা আৰক্ষীয়ে সস্তা দামত ভুৱা আইফোন ১৩ বিক্ৰী কৰা এটা গেঙক আটক কৰিছে । যদি আপুনিও শেহতীয়াকৈ নতুন আইফোন কিনিছে বা কিনিবলৈ ওলাইছে, তেন্তে ইয়াক এবাৰ পৰীক্ষা কৰক । আজি আমি আপোনালোকক ক'ম যে, আইফোনটো আচল নে নকল কেনেকৈ জানিব পাৰিব ৷
আইএমইআই নম্বৰ পৰীক্ষা কৰক: শেহতীয়াকৈ নয়ডা আৰক্ষীয়ে ভুৱা আইফোন বিক্ৰী কৰা এটা গেঙক গ্ৰেপ্তাৰ কৰিছে । এই দুষ্ট চক্ৰয়ে আগতে সস্তা মূল্যত নকল আইফোন ১৩ বিক্ৰী কৰি মানুহক প্ৰতাৰণা কৰিছিল ।
তেওঁলোকৰ পৰা উদ্ধাৰ হৈছে ৬০টা ভুৱা আইফোন । আৰক্ষীয়ে জনোৱা মতে, এই গেংবোৰে দিল্লীৰ পৰা ১২ হাজাৰ টকাত সস্তীয়া ফোন ক্ৰয় কৰি চীনৰ পৰা আমদানি কৰা আইফোনৰ অৰিজিনেল বাকচত ভৰাই বিক্ৰী কৰিছিল । আচল আইফোন চিনাক্ত কৰাৰ আটাইতকৈ সহজ উপায় হ’ল IMEI নম্বৰ । ইয়াৰ জৰিয়তে আপুনি চিনাক্ত কৰিব পাৰিব যে আইফোনটো বাস্তৱিক নে ভুৱা ।
IMEI নম্বৰ ক’ৰ পৰা পাব: আইফোনৰ IMEI নম্বৰ বহু ঠাইত চাব পাৰিব । আইফোনৰ অৰিজিনেল পেকেজিং আৰু বক্সতো এই নম্বৰটো পাব । বাৰক’ডত ছিৰিয়েল নম্বৰ আৰু IMEI/MEID নম্বৰো পৰীক্ষা কৰিব পাৰে । মনত ৰাখিব যে, বক্স বা পেকেজিঙৰ IMEI নম্বৰ আপোনাৰ আইফোনৰ ছেটিংছত দিয়া IMEI নম্বৰৰ সৈতে মিলিব লাগে ।
ছেটিংত IMEI নম্বৰ কেনেকৈ চেক কৰিব: ছেটিংত IMEI নম্বৰ চেক কৰিবলৈ আইফোনৰ ছেটিংলৈ যাওক । তাৰ পিছত General টেপ কৰক আৰু About ক্লিক কৰক । IMEI নম্বৰটো চাবলৈ অলপ তললৈ স্ক্ৰল কৰিব লাগিব । যদি ইয়াত কোনো IMEI নম্বৰ বা ছিৰিয়েল নম্বৰ দেখুওৱা হোৱা নাই, তেন্তে আপোনাৰ আইফোনটো নকল হোৱাৰ সম্ভাৱনা অতি বেছি ।
এপলৰ ৱেবছাইটত কভাৰেজ পৰীক্ষা কৰক: আইফোনৰ ম্যাদ জানিবলৈ আপুনি এপলৰ "Check Coverage" ৱেবছাইট চাব পাৰে । এই ৱেবছাইটৰ পৰা আইফোনৰ ৱাৰেণ্টীৰ ম্যাদ উকলি যোৱাৰ তাৰিখ জানিব পৰা যায় । ইয়াত আইফোনৰ ছিৰিয়েল নম্বৰ দিব লাগিব । যদি ফোনটো জেনুইন হয় তেন্তে আপুনি জানিব যে আপোনাৰ আইফোনত কিমান ৱাৰেণ্টী বাকী আছে ।
ওচৰৰ এপল ষ্ট’ৰলৈ যাওক: যদি আপুনি এতিয়াও সন্তুষ্ট নহয়, তেন্তে আপুনি ওচৰৰ এপল ষ্ট’ৰলৈ গৈ আইফোনৰ বিশুদ্ধতা পৰীক্ষা কৰিব পাৰে । এপল ষ্ট’ৰত উপস্থিত থকা কাৰ্যবাহীজনে আইফোনটো ভালদৰে পৰীক্ষা কৰি আপোনাৰ ডিভাইচৰ originality ক’ব । ইয়াৰ উপৰিও প্ৰকৃত আইফোন ক্ৰয় কৰাৰ আটাইতকৈ উত্তম উপায় হ’ল এপলৰ অনুমোদিত ডিলাৰৰ পৰা নতুন আইফোন কিনা ।
লগতে পঢ়ক: Apple plans to shift production: এপলে চীনৰ পৰা স্থানান্তৰ কৰিব বিচাৰিছে উৎপাদন কাৰ্য