গুৱাহাটীত বিজেপিৰ ৰাষ্ট্ৰীয় অধ্যক্ষ জেপি নাড্ডাৰ সমাবেশ LIVE

গুৱাহাটী, 10 জানুৱাৰী: সমাগত লোকসভা নিৰ্বাচনৰ প্ৰতি লক্ষ্য ৰাখি মঙলবাৰে গুৱাহাটীত উপস্থিত হয় ভাৰতীয় জনতা পাৰ্টীৰ ৰাষ্ট্ৰীয় অধ্যক্ষ জেপি  নাড্ডা ৷ গুৱাহাটী বিমান বন্দৰত বিজেপিৰ শীৰ্ষ নেতাগৰাকীক উষ্ম আদৰণি জনায় মুখ্যমন্ত্ৰীসহ ৰাজ্যিক বিজেপিৰ নেতৃত্বই ৷

মঙলবাৰে গুৱাহাটীত উপস্থিত হোৱা নাড্ডাই বুধবাৰে পুৱা দলীয় নেতৃত্বৰ সৈতে কামাখ্যা মন্দিৰ দৰ্শন কৰে ৷ এই মূহুৰ্তত বিজেপিৰ এক ৰেলীত অংশগৰ্হণ কৰা দেখা গৈছে বিজেপিৰ ৰাষ্ট্ৰীয় অধ্যক্ষগৰাকীয়ে ৷

উল্লেখ্য যে লোকসভা নিৰ্বাচনৰ পূৰ্বে অসমলৈ অহা জেপি নাড্ডাই অসম বিজেপিৰ কাৰ্যনিৰ্বাহক বৈঠকত অংশগ্ৰহণ কৰিব ৷ ইয়াৰ পিচতে দলৰ কেবাগৰাকীও জ্যেষ্ঠ নেতাৰ সৈতে দলৰ জ্যেষ্ঠ নেতাগৰাকী আলোচনাত মিলিত হোৱাৰো সম্ভাৱনা আছে ৷ আগন্তুক নিৰ্বাচনত টিকটৰ ভাগ-বাটোৱাৰাৰ সন্দৰ্ভত ৰাজ্যিক বিজেপিৰ নেতৃত্বৰ সৈতে আলোচনা কৰাৰ সম্ভাৱনা আছে জেপি নাড্ডাই ৷