গুৱাহাটী, 25 জুলাইঃ গুৱাহাটী মহানগৰীৰ তেতেলীয়াস্থিত সোমনাথ মন্দিৰত সংঘটিত হয় চুৰিকাণ্ড ঘটনা । ইতিমধ্যে চোৰে লুটি নিলে তিনিটাকৈ দানপাত্ৰৰ পৰা লক্ষাধিক টকা।
লক ডাউনৰ মাজতো মহানগৰীত অব্যাহত চোৰৰ চাফাই অভিযান। শণিবাৰে পুৱাৰ ভাগত মহানগৰীৰ তেতেলীয়াস্থিত সোমনাথ মন্দিৰত সংঘটিত হয় এক চুৰিকাণ্ডৰ ঘটনা । অতি কৌশলৰে মন্দিৰৰ ভিতৰত প্ৰৱেশ কৰি এটা চোৰে লুটি নিলে তিনিটাকৈ দানপাত্ৰৰ পৰা লক্ষাধিক টকা। ডিচেম্বৰৰ পৰা খোলা হোৱা নাছিল দানপাত্ৰ কেইটা। যাৰ বাবে লক্ষাধিক টকা থকাৰ অনুমান কৰা হৈছে। ইফালে এই চুৰিকাণ্ডৰ সমগ্ৰ দৃশ্য আবদ্ধ হৈ ৰৈছিল মন্দিৰ চৌহদত সংস্থাপিত চিচি টিভি কেমেৰাত। উক্ত ঘটনাটো ইতিমধ্যে জালুকবাৰী আৰক্ষীক অবগত কৰে ৷ ঘটনাস্থলীত জালুকবাৰী আৰক্ষী উপস্থিত হৈ তদন্ত প্ৰক্ৰিয়া আৰম্ভ কৰিছে । উল্লেখ্য যে,৩৭নং ৰাষ্ট্ৰীয় ঘাইপথৰ দাঁতিতে থকা এই মন্দিৰটোত পূৰ্বেও তিনিবাৰকৈ চোৰে চলাইছিল লুটপাত ।
