দলগাঁও, ১ ছেপ্তেম্বৰঃ দৰং জিলাৰ শ্যামপুৰ থানাৰ অন্তৰ্গত ২ নং মাগুৰমাৰীত সোমবাৰে সন্ধিয়া সংঘটিত হয় এক জঘন্য হত্যাকান্ড । ঘটনা সন্দৰ্ভত হত্যাৰ সময়ত লগত থকা পুত্ৰৰ ভাষ্য মতে ২ নং মাগুৰমাৰীৰ কালাইৰ চৰৰ মহম্মদ আলি (৫৭) চকতোলা বজাৰৰ পৰা সন্ধিয়া পুত্ৰৰ সৈতে ঘৰলৈ যাওঁতে ২০/৩০ জনীয়া এটা দুৰ্বৃত্তৰ দলে বাট আগুচি ধৰি চোকা অস্ত্ৰৰে ডিঙিত ঘপিয়াই হত্যা কৰে । সেই সময়ত লগত থকা পুত্ৰ ৰহিম আলিকো হত্যাৰ চেষ্টা কৰে যদিও কথমপি ৰক্ষা পৰে পুত্ৰ ।
আনহাতে, দুৰ্বৃত্তৰ দলটোৱে মহম্মদ আলিৰ লগত থকা প্ৰায় দুই লাখ টকা দুৰ্বৃত্তৰ দলটোৱে লুটি নিয়া বুলি অবগত কৰে মৃত মহম্মদ আলিৰ পুত্ৰ ৰহিম আলিয়ে । উক্ত ঘটনাটো ৰাইজে আৰক্ষীক অবগত কৰে ৷ খবৰ পাই শ্যামপুৰ থানাৰ আৰক্ষীৰ দল এটা ততাতৈয়াকৈ ঘটনা স্থলীত উপস্থিত হৈ মৃতদেহটো উদ্ধাৰ কৰে ৷ লগতে মৰণোত্তৰ পৰীক্ষাৰ বাবে মংগলদৈ অসামৰিক চিকিৎসালয়লৈ প্ৰেৰণ কৰে আৰক্ষীয়ে।
লগতে পঢ়ক- কৰিমগঞ্জত পৰিয়ালকেন্দ্ৰিক সংঘৰ্ষত নিহত এজন
