নগাঁও,19 নৱেম্বৰ: বৃহস্পতিবাৰে নগাঁও আৰক্ষীয়ে এক অভিযান চলাই নিচাজাতীয় দ্ৰব্যসহ এটা দম্পতীক আটক কৰিবলৈ সক্ষম হয় ৷ নগাঁও আৰক্ষীৰ নগৰ শাখাৰ আৰক্ষীয়ে চহৰখনৰ খৃষ্টীয়ানপট্টিৰ পৰা উদ্ধাৰ কৰে নিচাযুক্ত দ্ৰব্যখিনি ৷
এডিপি ৰোডৰ বাসিন্দা মৌচম খন্দকাৰৰ বাসগৃহৰ পৰা নিচাযুক্ত দ্ৰব্যখিনি আৰক্ষীয়ে উদ্ধাৰ কৰাৰ লগতে খন্দকাৰ আৰু পত্নী ৰেছমা খন্দকাৰক এই অবৈধ ব্যৱসায় চলোৱাৰ অভিযোগত আটক কৰে ৷ উল্লেখ্য যে, কিছুদিন পূৰ্বে জেল হাজোতৰ পৰা জামিনত মুক্তি লাভ কৰি অহা মৌচমে পুনৰ ড্ৰাগছৰ ব্যৱসায়ত জড়িত হৈ পৰে ৷
লগতে চাওকঃ কৰ’ণাৰ বাবে ধন আগবঢ়োৱা দেশৰ প্ৰথম সাংসদ প্ৰদ্যুত বৰদলৈ !
