ৰাহুল গান্ধীৰ সভাঃ জনসাধাৰণক নিৰাপত্তা দিবলৈ সময় নাই আৰক্ষীৰ

জনপ্ৰতিনিধিৰ নিৰাপত্তাত ব্যস্ত আৰক্ষী প্ৰশাসন । জনসাধাৰণৰ অভিযোগৰ পাচতো ঘটনাস্থলীত উপস্থিত নহ'ল আৰক্ষী । জনপ্ৰতিনিধিৰ নিৰাপত্তাৰ স্বাৰ্থত তুচ্ছ জনসাধাৰণৰ জীৱন

সৰুপথাৰ,03 এপ্ৰিলঃনিৰ্বাচনসংক্ৰান্তীয় নিৰাপত্তাত আৰক্ষীৰ ব্যস্ততাৰ সুযোগ লৈ থাকোতে ৰাজ্যৰ বিভিন্ন ঠাইত সক্ৰিয় হৈ উঠিছে গাড়ী চুৰি চক্ৰ । সৰুপথাৰ নগৰৰ তিনি নং ৱাৰ্ডত সৰুপথাৰ আৰক্ষী থানাৰ নিচেই কাষৰে পৰা একে নিশাইচুৰি দুখনকৈ স্কুটি।

সৰুপথাৰ নগৰৰ তিনি নং ৱাৰ্ডৰ মিনু গগৈ নামৰ মহিলা গৰাকীৰ চৌহদৰ পৰা চোৰে দুখন AS-05L-0681 আৰু AS-05E-6436 নম্বৰৰ স্কুটি চুৰি কৰি নিয়ে | লগতে এখন এভেঞ্জাৰ বাইক চোৰে চুৰি কৰি নিব নোৱাৰি আধা বাটতে এৰি থৈ যায় | চোৰৰ দলটোৱে লোৰ ৰডেৰেগেটৰ তলা ভাঙি ঘৰৰ চৌহদত প্ৰৱেশ কৰি লুটপাত চলায় | আনহাতে বুধবাৰে পুৱা ঘটনা সন্দৰ্ভত সৰুপথাৰ আৰক্ষী থানাত গৃহস্থই লিখিত অভিযোগ দিয়াৰ পাচতোবোকাখাতত ৰাহুল গান্ধীৰ নিৰ্বাচনী প্ৰচাৰত আৰক্ষী ব্যস্ত থকাৰ অজুহাত দেখুৱাই আৰক্ষী উপস্থিত নোহোৱাৰ অভিযোগ উত্থাপন কৰে গৃহস্থই |