ধুবুৰী, 9 জুলাইঃ ধুবুৰীত আৰক্ষীৰ অভিযানত ১৫ টা চোৰাং গৰু জব্দ কৰিবলৈ সক্ষম হয় । বৰবিলা প্ৰথম খণ্ড গাঁৱৰ পৰা আৰু আদাবাৰী অঞ্চলৰ পৰা উদ্ধাৰ কৰে চোৰাং গৰু কেইটা ৷
নিশা ধুবুৰীৰ কলেজ নগৰ আৰক্ষী চকীৰ এটা দলে অভিযান চলাই ১৫ টা চোৰাং গৰু জব্দ কৰিবলৈ সক্ষম হয় । উক্ত গৰু কেইটা বাংলাদেশলৈ চোৰাংকৈ নিয়াৰ বাবে মজুদ কৰি ৰখা অৱস্থাত জব্দ কৰে আৰক্ষীয়ে ৷ ধুবুৰীৰ কলেজ নগৰ আৰক্ষী চকীৰ ভাৰপ্ৰাপ্ত বিষয়া ভাগ্য ডেকাৰ নেতৃত্বত চলা এক অভিযানত বৰবিলা প্ৰথম খণ্ড গাঁৱৰ পৰা ১০টা গৰু জব্দ কৰাৰ বিপৰীতে আদাবাৰী অঞ্চলৰ পৰা ৫টা গৰু জব্দ কৰিবলৈ সক্ষম হয় আৰক্ষীৰ দলটোৱে ৷ অৱশ্যে কোনো লোককে এতিয়া লৈকে আটক কৰিবলৈ সক্ষম হোৱা নাই আৰক্ষীয়ে।
লগতে পঢ়ক- কন্টেইনমেন্ট জ'নত সুৰাৰ মুকলি বেহা
