ইন্টাৰনেশ্যনেল ডেস্ক, 2 নৱেম্বৰ : মঙলবাৰে আফগানিস্তানৰ ৰাজধানী কাবুলত সংঘটিত হয় ভয়ংকৰ বিষ্ফোৰণ ৷ কাবুলৰ মিলিটেৰী হাস্পতালৰ সন্মুখত সংঘটিত হৈছে উক্ত বিষ্ফোৰণ ৷
কাবুলৰ চৰ্দাৰ মহম্মদ ডাউদ খান মিলিটেৰী হাস্পতালৰ বাহিৰত থকা সাধাৰণ লোকসকলক লক্ষ্য কৰি এই বিষ্ফোৰণ সংঘটিত কৰা হৈছে বুলি সদৰি কৰে তালিবানৰ উপ-মুখপাত্ৰ বিলাল কৰিমিয়ে ৷ এই পৰ্যন্ত ঘটনাত কোনো লোক নিহত হোৱাৰ লগতে দ্বিতীয় কোনো বিষ্ফোৰণৰো তথ্য লাভ কৰা নাই বুলি জনায় মুখপাত্ৰগৰাকীয়ে ৷
উল্লেখ্য যে, মঙলবাৰে কাবুলৰ 10 খন জিলাত দুটাকৈ বিষ্ফোৰণৰ শব্দ পোৱা বুলি ধাৰণা কৰা হৈছিল ৷ ইয়াৰ উপৰিও স্থানীয় বাসিন্দাই অঞ্চলকেইটাত গুলীয়াগুলিৰো শব্দ শুনিবলৈ পোৱা বুলি জানিবলৈ দিছে ৷
লগতে পঢ়ক : অৱশেষত ক’ভেক্সিনলৈ অনুমোদন অষ্ট্ৰেলিয়াৰ
