নিউজ ডেস্ক, 27 এপ্ৰিলঃ দক্ষিণ কোৰিয়াৰ ৰাষ্ট্ৰপতি মুন জে ইনে কয় যে,উত্তৰ কোৰিয়াৰ সৈতে থকা আন্তঃৰাষ্ট্ৰীয় বাধাৰ পাচতো তেওঁৰ চৰকাৰে ব্যৱহাৰিক আৰু বাস্তৱ সন্মত সহযোগিতাৰ সৈতে আগবাঢ়ি যাব । কৰ'ণা ভাইৰাছ সংকটৰ বাবে চুবুৰীয়াৰ সৈতে সম্পৰ্ক সুযোগৰ বিষয়ে এইদৰে কয় ৰাষ্ট্ৰপতি গৰাকীয়ে ।
ৰাষ্ট্ৰসংঘই প্ৰতিবন্ধকতা লগোৱা পিয়নইয়াংৰ কথা উল্লেখ কৰি তেওঁ কয় যে,ঐতিহাসিক পানমুজুম সন্মিলনৰ দ্বিতীয় বাৰ্ষিকীত তেওঁ উত্তৰ কোৰিয়াৰ ৰাষ্ট্ৰপতি কিম জং উনৰ সৈতে এই বিষয়ে আলোচনা কৰিছে ।
উল্লেখ্য যে, কিম জং উন বিগত কেবাসপ্তাহ ধৰি স্বাস্থ্যজনিত কাৰণত জনচক্ষুৰ পৰা আঁতৰত আছে । উত্তৰ কোৰিয়া আৰু দক্ষিণ কোৰিয়াৰ ঐতিহাসিক পানমুজুম ঘোষণা কেৱল দুয়োখন দেখৰ ব্যৱধানৰ বাবেই নহয়,আন্তঃৰাষ্ট্ৰীয় বিভিন্ন বাধাৰ বাবেও সম্পূৰ্ণ কাৰ্যকৰী হোৱা নাই বুলি মুন জে ইনে কয় ।
তেওঁ বাস্তৱ সন্মত পদ্ধতিৰে দুয়োখন দেশৰ সম্পৰ্ক গঢ়াত গুৰুত্ব দিছে বুলি প্ৰকাশ কৰি আন্তঃ কোৰিয়া ৰেল'ৱেৰ পুনৰ সংযোগ কৰিব বুলি প্ৰকাশ কৰে ।
লগতে পঢ়কঃ নৱাজ শ্বৰীফৰ বিৰুদ্ধে গ্ৰেপ্তাৰী পৰোৱানা জাৰী পাকিস্তানৰ
