নেচনেল ডেস্ক, 5 নৱেম্বৰ: আফগান উচ্চতম ন্যায়ালয়ৰ এগৰাকী বিচাৰকক ৰাষ্ট্ৰখনৰ ৰাজধানীতেই গুলিয়াই হত্যা ৷ আফগানৰ স্থানীয় সংবাদ মাধ্যমে প্ৰকাশ কৰা বাতৰি অনুসৰি, শুকুৰবাৰে ৰহমান মিনা অঞ্চলত প্ৰাৰ্থনা সম্পন্ন হোৱাৰ পাছতে আব্দুল জামিল নামৰ উচ্চতম ন্যায়ালয়ৰ বিচাৰক গৰাকীক গুলিয়াই হত্যা কৰা হয় ৷
উল্লেখ্য যে আফগান বিষয়া সকলে এই হত্যাক তালিবান উগ্ৰপন্থীৰ লক্ষ্য নিৰ্ধাৰিত আক্ৰমণ বুলি সন্দেহ প্ৰকাশ কৰিছে ৷ বিগত বছৰসমূহত তালিবান উগ্ৰপন্থীয়ে সাধাৰণ নাগৰিক তথা সামৰিক বাহিনীৰ বিষয়া সকলক আক্ৰমণৰ লক্ষ্য কৰি এনে ধৰণৰ হত্যাকাণ্ড সংঘটিত কৰি আহিছে ৷ জানিব পৰা মতে নৱেম্বৰ মাহত আফগানিস্তাত এনেধৰণৰ আক্ৰমণত 44 গৰাকী লোকে প্ৰাণ হেৰুৱাৰ বিপৰীতে বহুকেইগৰাকী লোক আহত হৈছে ৷
লগতে পঢ়ক:শান্তিপূৰ্ণ প্ৰদৰ্শনৰ অধিকাৰ আছে ভাৰতীয় কৃষকৰঃ এন্টনিঅ’ গুটেৰাৰৰ মুখপাত্ৰ
