নিউজ ডেস্ক, 8 আগষ্ট : বিশ্বজুৰি কৰ‘ণা মহামাৰীয়ে ধাৰণ কৰিছে ভয়াৱহ ৰূপ ৷ এই পৰ্যন্ত সমগ্ৰ বিশ্বত কৰ‘ণা ভাইৰাছত আক্ৰান্ত হৈছে 1,95,46,748 গৰাকী লোক ৷ আনহাতে বিশ্বজুৰি কৰ‘ণাত আক্ৰান্ত হৈ মৃত্যু হৈছে 7,24,123 গৰাকী লোকৰ ৷ তদুপৰি এই পৰ্যন্ত আৰোগ্য লাভ কৰিছে 1,25,47,767 গৰাকী ক'ভিড-19 ত আক্ৰান্ত ৰোগীয়ে ৷
ইতিমধ্যে আমেৰিকাত সৰ্বাধিক 50 লাখতকৈও অধিক লোক কৰ‘ণাত আক্ৰান্ত হোৱাৰ লগতে দেশখনত কৰ‘ণাত আক্ৰান্ত হৈ এতিয়ালৈ মৃত্যুক আঁকোৱালি লৈছে 161,328 গৰাকী লোকে ৷ আনহাতে কৰ‘ণাত আক্ৰান্ত হোৱা লোকৰ সংখ্যাত দ্বিতীয় সৰ্বাধিক সংখ্যাৰ দেশখন হ’ল ব্ৰাজিল ৷ ব্ৰাজিলত এই পৰ্যন্ত 2,962,442 গৰাকী লোক কৰ‘ণাত আক্ৰান্ত হোৱাৰ লগতে মৃত্যু হৈছে 99,572 গৰাকী লোকৰ ৷
আনহাতে কৰ‘ণা আক্ৰান্তৰ ক্ষেত্ৰত আমেৰিকা আৰু ব্ৰাজিলৰ পাছত তৃতীয় স্থানত আছে ভাৰত ৷ আক্ৰান্ত সংখ্যা দ্ৰুত গতিত বৃদ্ধি হলেও ভাৰতত আক্ৰান্তৰ তুলনাত কৰ‘ণাত আক্ৰান্ত হৈ মৃত্যু হোৱা লোকৰ সংখ্যা যথেষ্ট কম ৷
লগতে পঢ়ক : পেঙেৰী-ডিগবৈ সংযোগী পথত দুৰ্ঘটনা: কথমপি প্ৰাণ ৰক্ষা চালকৰ
