নিউজডেস্ক,28এপ্ৰিল: আচৰিত যেন লাগিলেও সত্য যে অষ্ট্ৰেলিয়াৰ প্ৰশাসনে প্ৰায় 20 লাখ বিশেষ প্ৰজাতিৰ মেকুৰীক হত্যা কৰাৰ এক পৰিকল্পনা গ্ৰহণ কৰিছে ৷ দেশখনৰ আগশাৰীৰ সংবাদপত্ৰ নিউৱৰ্ক টাইমছৰ মতে, অষ্ট্ৰেলিয়ান চৰকাৰে 2015 চনৰ এক পৰিকল্পনা অনুসৰি 2020 চনৰ ভিতৰত 20 লাখ মেকুৰী হত্যা কৰিব ৷ ইয়াৰে প্ৰথম বৰ্ষত 2 লাখ 11 হাজাৰ মেকুৰী ইতিমধ্যে হত্যা কৰা হৈছে ৷ উল্লেখ্য যে ইয়াৰ পূৰ্বে মেকুৰীবোৰক প্ৰথমে ধৰি তাৰ পাচত গুলী মাৰি হত্যা কৰিছিল যদিও বৰ্তমান ইয়াক বিহ দি হত্যা কৰা হৈছে ৷
পিচে কিয় হত্যা কৰা হৈছে এই মেকুৰীবোৰক ?
অষ্ট্ৰেলিয়াৰ একাংশ বিষয়া-কৰ্মচাৰীৰ মতে দেশখনৰ 34 বিধ বিলুপ্তপায় বন্যপ্ৰাণীৰ প্ৰজাতিৰ ভিতৰত 22 বিধৰ বাবেই ভয়ানক এই মেকুৰীবোৰ ৷ লগতে 2017 ৰ জীৱ বিজ্ঞান সংৰক্ষণ বিষয়ত প্ৰকাশিত এক পত্ৰৰ অনুসৰি এই মেকুৰী প্ৰজাতিটোৱে প্ৰতিবছৰে 377 মিলিয়ন পক্ষী আৰু 649 সৰীসৃপ হত্যা কৰে ৷ ইপিনে অষ্ট্ৰেলিয়াৰ প্ৰাক্তন বনমন্ত্ৰী জছ ফ্ৰাইডেনবাৰ্গৰ মতে এই বিশেষ প্ৰজাতিৰ মেকুৰীবিধ দেশখনৰ পৰিস্থিতি তন্ত্ৰ আৰু স্বাস্থ্যৰ বাবে অতি বিপজ্জনক ৷
