চিটাৰা ডেস্ক, 31 জুলাই: ‘Taarak Mehta Ka Ooltah Chashmah’ টিভিৰ আটাইতকৈ জনপ্ৰিয় ধাৰাবাহিক । শেহতীয়াকৈ ধাৰাবাহিকখনে টিভিত ১৫ বছৰ সম্পূৰ্ণ কৰিছে । একে সময়তে এই ধাৰাবাহিকখনৰ প্ৰতিটো চৰিত্ৰই দৰ্শকে অতি পছন্দ কৰে ৷ বিশেষকৈ ‘দয়াবেন’ বা ‘দয়া ভাবী’ৰ চৰিত্ৰটো শ্ব’টোৰ আটাইতকৈ জনপ্ৰিয় চৰিত্ৰ হিচাপে পৰিগণিত কৰা হয় । যদিও বহু বছৰ ধৰি শ্ব’টো দৰ্শকে দেখা পোৱা এই চৰিত্ৰটো । দৰাচলতে তাৰক মেহতা শ্ব’টোত ‘দয়াবেন’ৰ চৰিত্ৰত অভিনয় কৰা টিভি অভিনেত্ৰী দিশা বাকানীয়ে শ্ব’টোৰ পৰা প্ৰসূতিকালীন বিৰতি লৈছিল । তেতিয়াৰে পৰাই অনুৰাগীয়ে দিশা বাকানী শ্ব’টোলৈ ঘূৰি অহাৰ বাবে অপেক্ষা কৰি আছিল । এতিয়া ইমান বছৰ পিচত যেন অনুৰাগীৰ ইচ্ছা পূৰ হোৱাৰ দিশে ৷ হয়, তাৰাক মেহতা কা উল্টা চশমাৰ অনুৰাগীৰ বাবে এটা সু-খবৰ ৷
দিশা বাকানী ওৰফে দয়াবেনক পুনৰ দেখা যাব নেকি শ্ব’টোত ?
তাৰক মেহতা কা উল্টা চশমা এনেকুৱা এটা জনপ্ৰিয় কমেডী শ্ব’ য’ত পৰিয়ালৰ সকলো সদস্যই একেলগে বহি আনন্দৰে শ্ব’টো উপভোগ কৰিব পাৰে । প্ৰতিবছৰে তাৰক মেহতা কা উল্টা চশমা শ্ব’টো তাৰকাত্বৰ নতুন উচ্চতাত উপনীত হয় আৰু শ্ব’টো পোন্ধৰ বছৰ সম্পূৰ্ণ হোৱাৰ লগে লগে শ্ব’টোৰ নিৰ্মাতা অসিত মোদীয়েও অনুৰাগীসকলক উপহাৰ দিয়াৰ কথা চিন্তা-চৰ্চা কৰিছে । দৰাচলতে অসিত মোদীয়ে সকলোৰে প্ৰিয় দিশা বাকানী শ্ব’লৈ ঘূৰি অহাটো নিশ্চিত কৰিছে । এক বিশেষ অনুষ্ঠানত শ্ব’টোৰ সুন্দৰ যাত্ৰাৰ পুনৰাবৃত্তি দেখুওৱা হয় আৰু এই অনুষ্ঠানটোতে অসিত মোদীয়ে দিশা বাকানীৰ প্ৰত্যাৱৰ্তনৰ কথা ঘোষণা কৰে ।
দিশা বাকানী অনুষ্ঠানলৈ ঘূৰি অহাৰ প্ৰতিশ্ৰুতি অসিত মোডীৰ
অসিত মোদীয়ে কয় যে, কোনেও পাহৰিব নোৱাৰা এগৰাকী শিল্পী হৈছে ‘দয়াবেন’, যাৰ চৰিত্ৰত অভিনয় কৰিছে দিশা বাকানীয়ে । তেওঁ প্ৰকাশ কৰে যে, অনুৰাগীয়ে দিশা পুনৰ শ্ব’লৈ ঘূৰি অহাৰ বাবে আগ্ৰহেৰে অপেক্ষা কৰি আছে । ইয়াৰ পিচত অভিনেত্ৰীগৰাকীয়ে প্ৰতিশ্ৰুতি দিছিল যে তেওঁ অতি সোনকালেই শ্ব’টোলৈ ঘূৰি আহিব । এইখিনিতে উল্লেখ কৰিব লাগিব যে দিশা বাকানী টেলিভিছনলৈ ঘূৰি অহাৰ এনে খবৰ আৰু দাবী ছবছৰ ধৰি চলি আছে । কিন্তু এইবাৰ এই কথা স্বয়ং অসিত মোদীয়ে নিশ্চিত কৰিছে । এনে পৰিস্থিতিত দয়াবেনক পুনৰবাৰ শ্ব’টোত দেখা পোৱা যাব বুলি অনুৰাগীসকল অতিশয় উৎসাহিত হৈ পৰিছে ।
দিশা বাকানীৰ বিবাহিত জীৱন
উল্লেখ্য যে দিশা বাকানীয়ে ২০১৫ চনৰ ২৪ নৱেম্বৰত ব্যৱসায়ী ময়ুৰ পডিয়াৰ সৈতে বিবাহপাশত আবদ্ধ হয় । অৱশ্যে এই বিবাহ আছিল এৰেঞ্জ মেৰেজ । ২০১৭ চনত দিশাই এটি কন্যা সন্তানক জন্ম দিয়ে ৷ ইয়াৰ পিচত অভিনেত্ৰীগৰাকীয়ে শ্ব’টোৰ পৰা প্ৰসূতিকালীন ছুটী লৈছিল । পিছলৈ ২০২২ চনত দিশাই দ্বিতীয় পুত্ৰ সন্তানক জন্ম দিয়ে ৷
লগতে পঢ়ক: Mandakini: ডনৰ লগত সম্পৰ্ক থকাৰ বাবে শেষ হৈছিল নেকি মন্দাকিনীৰ কেৰিয়াৰ ?
