চিটাৰা ডেস্ক, 24 এপ্ৰিল: ‘দ্য কপিল শৰ্মা শ্ব’ত আকৌ এবাৰ সকলোকে হাঁহিৰ খোৰাক দিয়া দেখা যাব কমেডিয়ান কৃষ্ণাক । এই কথা স্বয়ং নিশ্চিত কৰিছে কৃষ্ণাই (The Kapil Sharma Show)। কমেডিয়ানগৰাকীয়ে কয় যে তেওঁ শ্ব’টোত প্ৰত্যাৱৰ্তন কৰিছে । এক নতুন সাক্ষাৎকাৰত কৃষ্ণাই প্ৰকাশ কৰে যে তেওঁ ‘চুক্তি সলনি’ৰ পিচত এই সিদ্ধান্ত গ্ৰহণ কৰিছে । স্বপ্নাৰ চৰিত্ৰত অভিনয় কৰা কৃষ্ণাই চুক্তিৰ সমস্যাৰ বাবে যোৱা বছৰ ‘দ্য কপিল শৰ্মা শ্ব’ক বিদায় দিছিল ।
সাক্ষাৎকাৰৰ সময়ত কৃষ্ণাই কয় যে, আখৰাৰ পূৰ্বে তেওঁ শ্ব’টোৰ আয়োজক কপিল শৰ্মাৰ ঘৰলৈ গৈছিল, য’ত তেওঁক শৰ্মা পৰিয়ালে উষ্ম আদৰণি জনাইছিল (Comedian Krushna Abhishek) । তেওঁ কয়, ‘কিকু শৰ্দাই মোক দেখাৰ লগে লগে মোক সাৱটি ধৰিলে । কৃষ্ণাই কয় যে, তেওঁ অৰ্চনা পুৰাণ সিঙৰ সৈতেও ফোনত কথা পাতিছিল (Krushna Abhishek) ।
লগতে পঢ়ক: Sanak controversy: বাদশ্বাহৰ নতুন গীত ‘সনাক’ক লৈ বিতৰ্কৰ সৃষ্টি হোৱাত ক্ষমা খুজিলে বাদশ্বাহে
কপিলৰ কথা কওঁতে কৃষ্ণাই কয় যে, তেওঁ বহুত সুখী । তেওঁ কয় যে, কপিলে তেওঁক ধেমালিৰ পৰামৰ্শ দিছিল । কৃষ্ণাই স্বপ্নাৰ চৰিত্ৰত উভতি অহাৰ পিচত নিজৰ শ্ৰেষ্ঠখিনি দিব বুলিও কয় । কৃষ্ণাই ধেমালিতে কয়, ‘‘এয়া হৃদয়ৰ পৰিৱৰ্তন নহয়, চুক্তিৰ পৰিৱৰ্তনহে । যদিও এতিয়া সকলো সমস্যা সমাধান হৈছে’’ (Krushna Abhishek returns to Kapil Sharma show) ।
তেওঁ কয়, ‘‘শ্ব’টো আৰু চেনেলটো পৰিয়ালৰ দৰে আৰু মই ঘূৰি আহি সুখী । স্বপ্নাৰ এণ্ট্ৰি ভালকৈ হ’ব । ঘৰৰ ভোলা যদি সন্ধিয়া ঘৰলৈ উভতি আহে, তেন্তে তেওঁক ভোলা বুলি কোৱা নহয়’’ (Kapil Sharma back to Kapil Sharma show) । তেওঁ লগতে কয়, ‘‘চেনেলটো আৰু শ্ব’টোৰ মেকাৰৰ লগত মোৰ পুৰণি সম্পৰ্ক আছে । সেইবাবেই মই উভতি আহিলোঁ ।’’
