চিটাৰা ডেস্ক, 1 আগষ্ট: আকৌ এবাৰ আৰম্ভ টিভিৰ আটাইতকৈ জনপ্ৰিয় কুইজ শ্ব’ ‘কৌন বনেগা ক্ৰ’ৰপতি’ । সোমবাৰে চ’নী টিভিয়ে নতুন প্ৰমোৰে ‘কৌন বনেগা ক্র’ৰপতি 15’ৰ কথা ঘোষণা কৰিছে । এই অনুষ্ঠানটোৰ আঁত ধৰোঁতা অমিতাভ বচ্চনে প্ৰমোটোত ‘নতুন আৰম্ভণি’ বুলি উল্লেখ কৰিছে ৷ ‘কৌন বনেগা ক্ৰ’ৰপতি ছিজন 15 কেতিয়াৰ পৰা টিভিত টেলিকাষ্ট হ’ব জানো আহক ৷
কৌন বনেগা ক্ৰ’ৰপতি ছিজন 15 কেতিয়া আৰু ক’ত প্ৰিমিয়াৰ হ’ব ?
অমিতাভ বচ্চনে আঁত ধৰা ৰিয়েলিটি শ্ব’ কৌন বনেগা ক্ৰ’ৰপতি ১৫ম ছিজন ১৪ আগষ্টত নিশা ৯ বজাত চ’নী টিভিত প্ৰিমিয়াৰ হ’ব । এই শ্ব’টোৰ প্ৰমোৰ আৰম্ভণি হয় অমিতাভ বচ্চনৰ ডেছিং আভাসৰ পৰা । মেগাষ্টাৰগৰাকী মঞ্চলৈ অহাৰ লগে লগেই দৰ্শকে তেওঁক আদৰিবলৈ থিয় হয় । অভিনেতাগৰাকীয়ে নতুন ছিজনটো নতুন পদ্ধতিৰে আৰম্ভ কৰাৰ কথা উল্লেখ কৰে আৰু ‘নতুন আৰম্ভণি’ হেজটেগ ব্যৱহাৰ কৰে ।
এইবাৰ এই শ্ব’টোত দেখা যাব কিছু নতুনত্ব
চ’নী টিভিৰ অফিচিয়েল পোষ্টটোত লিখা আছিল, "Gyaandaar, Dhandaar aur Shaandaar tareeke se, #KaunBanegaCrorepati aa raha hai aapse milne ek naye roop mein! ’’ কুইজ শ্ব’টোত দৰ্শক আৰু প্ৰতিযোগীৰ বাবে নতুন উপাদান আছে বুলি উল্লেখ কৰা হৈছে ।
কেবিচি ১৫ৰ চেটৰ ছবি শ্বেয়াৰ কৰিছিল অমিতাভে
কিছু সপ্তাহ পূৰ্বে অমিতাভ বচ্চনে শ্বুটিং আৰম্ভ কৰাৰ সময়ত কৌন বনেগা ক্র’ৰপতিৰ চেটৰ কেইবাখনো ছবি পোষ্ট কৰিছিল । টুইটাৰত তেওঁ শ্বুটিঙৰ তিনিখন ছবি পোষ্ট কৰি কেপচন লিখিছিল, "ৰিপিটেড ৰিহাৰ্চেল.. কেবিচিৰ বাবে.." আন এখন ছবিৰ সৈতে তেওঁ লিখিছিল, "ৱৰ্কিং অন ইট.. কেবিচি, প্ৰস্তুতি ।"
শ্ব’টোৰ ৩য় ছিজন হোষ্ট কৰা নাছিল অমিতাভে
উল্লেখ্য যে, কেবিচি হৈছে জনপ্ৰিয় আমেৰিকাৰ গেম শ্ব’ ‘হু ৱাণ্টছ টু বি এ মিলিয়নাৰ’ৰ অফিচিয়েল হিন্দী অভিযোজন । ২০০০ চনত প্ৰথমবাৰৰ বাবে টিভিত প্ৰিমিয়াৰ হৈছিল । কেবিচিৰ প্ৰথম ছিজনৰ পৰাই অমিতাভ বচ্চনে আঁত ধৰিছিল শ্ব’টো ৷ ছিজন ৩ আঁত ধৰিছিল শ্বাহৰুখ খানে । পিচত অমিতাভ পুনৰ শ্ব’টোলৈ উভতি আহিছিল আৰু তেতিয়াৰ পৰাই কেবিচিৰ মুখ হৈ পৰিছিল অমিতাভ । কৌন বনেগা ক্র’ৰপতি ছিজন ১৫ৰ পঞ্জীয়ন চলিত বৰ্ষৰ এপ্ৰিল মাহৰ পৰা আৰম্ভ হৈছিল ।
