চিটাৰা ডেস্ক, 20 অক্টোবৰ: দৰ্শকে আগ্ৰহেৰে অপেক্ষা কৰি আছে জনপ্ৰিয় ছবি 'সিংঘম ৩'ৰ বাবে ৷ এই চিনেমাখনৰ দুয়োটা অংশই দৰ্শকৰ পৰা ভাল সঁহাৰি লাভ কৰিবলৈ সক্ষম হৈছিল আৰু এতিয়া তৃতীয়খন ছবিৰ দৰ্শকসকল অতি আগ্ৰহেৰে বাট চাই আছে ৷ ইফালে, আজি এই চিনেমাখনৰ পৰা টাইগাৰ শ্ৰফৰ এটি লুক মুকলি কৰা হৈছে ৷
ইতিমধ্যে এই চিনেমাখনৰ সৈতে জড়িত প্ৰতিটো আপডেট ছবিখনৰ নিৰ্মাতাসকলে দৰ্শকক জানিবলৈ দিছে ৷ কিছুদিন পূৰ্বে এই চিনেমাখনৰ পৰা দীপিকা পাডুকনৰ লুক আউট হৈছিল ৷ এতিয়া বলীউডৰ অভিনেতা টাইগাৰ শ্ৰফে ৰোহিত শ্বেট্টীৰ ছবি ‘সিংঘম ৩’ত প্ৰৱেশ কৰিছে ৷ টাইগাৰে এই বিষয়ে ছ’চিয়েল মিডিয়াৰ জৰিয়তে অনুৰাগীসকলক অৱগত কৰিছে ৷ অনুৰাগীসকলে আগ্ৰহেৰে অপেক্ষা কৰি আছে ‘সিংঘম ৩’ ছবিখনৰ বাবে ৷
টাইগাৰ শ্ৰফে শ্বেয়াৰ কৰিলে 'সিংঘম ৩'ৰ পোষ্টাৰ
বলীউডৰ জনপ্ৰিয় পৰিচালক ৰোহিত শ্বেট্টীয়ে পৰিচালনা কৰা ‘সিংঘম ৩’ ঘোষণাৰ পিছৰে পৰা অনুৰাগীসকলে দীৰ্ঘদিনৰ পৰা অপেক্ষা কৰি আছিল ৷ এতিয়া অভিনেতা টাইগাৰ শ্ৰফে এই ছবিখনত অদ্ভুদ এণ্ট্ৰি কৰিছে ৷ টাইগাৰে ছ’চিয়েল মিডিয়াত পোষ্টাৰখন শ্বেয়াৰ কৰি অনুৰাগীসকলৰ সৈতে চিনেমাখনৰ এটি লুক শ্বেয়াৰ কৰি টাইগাৰে লিখিছে, "ডিউটাইপাৰ এচিপি সত্যাই সিংঘম ছাৰৰ ৰিপ'ৰ্ট কৰিছে" ৷ ‘সিংঘম ৩’ত টাইগাৰৰ প্ৰৱেশত অনুৰাগীসকলো সুখী হৈছে ৷ অভিনেতাগৰাকীৰ এই পোষ্টত মন্তব্য কৰি অনুৰাগীয়ে মনৰ ভাৱ প্ৰকাশ কৰিছে ৷
এই দিনটোত ডাঙৰ পৰ্দাত মুক্তি লাভ কৰিব টাইগাৰ শ্ৰফৰ ‘গণপত’
উল্লেখ্য যে, ২০২৪ চনত ছবিগৃহত মুক্তি পাব ‘সিংঘম ৩’ ৷ এই ছবিখনে বক্স অফিচত আল্লু অৰ্জুনৰ ‘পুষ্পা ২’ৰ সৈতে মুখামুখি সংঘৰ্ষ কৰিব৷ টাইগাৰৰ চিনেমা ‘গণপতো’ দৰ্শকৰ বাবে সাজু হৈছে ৷ ২০ অক্টোবৰত ছবিগৃহত মুক্তি পাব ছবিখন ৷ উল্লেখ্য যে, বিকাশ বাহলে পৰিচালনা কৰিছে এই ছবিখন ৷ এই চিনেমাখনত টাইগাৰৰ সৈতে গুৰুত্বপূৰ্ণ চৰিত্ৰত দেখা যাব কৃতি সনন আৰু অমিতাভ বচ্চনক ৷ টাইগাৰৰ এই চিনেমাখনক লৈও দৰ্শকৰ আগ্ৰহ যথেষ্ট বৃদ্ধি পাইছে ৷
লগতে পঢ়ক: UT 69 Trailer: UT 69 ৰ ট্ৰেইলাৰ মুকলি অনুষ্ঠানত সেমেকি উঠিল ৰাজ কুন্দ্ৰা
