চিটাৰা ডেস্ক, 6 নৱেম্বৰ: ভূপালৰ গেছ ট্ৰেজেডী কেতিয়াও পাহৰিব নোৱাৰা এক ভয়াৱহ দুৰ্ঘটনা । বিশ্বৰ সৰ্ববৃহৎ ঔদ্যোগিক ট্ৰেজেডীত অন্তৰ্ভুক্ত এই ট্ৰেজেডীয়ে ভূপালক নিশাটোৰ ভিতৰতে শ্মশানলৈ ৰূপান্তৰিত কৰিছিল । এতিয়া আহি আছে ভূপাল গেছ ট্ৰেজেডীৰ ওপৰত ৱেব চিৰিজ 'দ্য ৰে’লৱে মেন' ।
কিছুদিন পূৰ্বে মুক্তি পাইছিল ‘দ্য ৰে’লৱে মেন’ৰ টিজাৰ । তেতিয়াৰ পৰাই এই ধাৰাবাহিকখনে দখল কৰিছিল বাতৰিৰ শিৰোনাম । একে সময়তে এতিয়া ৬ নৱেম্বৰত মুক্তি পালে ‘দ্য ৰে’লৱে মেন’ৰ ট্ৰেইলাৰ ৷ যিটো চালে আপানোৰো গাৰ নোম শিয়ৰি উঠিব ।
- " class="align-text-top noRightClick twitterSection" data="">
গাৰ নোম শিয়ৰি উঠা কাহিনী
১৯৮৪ চনৰ ২ ডিচেম্বৰত ভূপালৰ এটা কীটনাশক কাৰখানাৰ পৰা বিষাক্ত গেছ নিৰ্গত হৈছিল, যাৰ ফলত প্ৰায় দুহেজাৰ লোকে প্ৰাণ হেৰুৱাইছিল । ইয়াৰ উপৰিও চহৰখনৰ লাখ লাখ কৰ্মচাৰী আৰু জনসাধাৰণে বৃহৎ লোকচানৰ সন্মুখীন হ’বলগীয়া হৈছিল । এতিয়া অ’টিটি প্লেটফৰ্মে লৈ আহিছে এই ভয়াৱহ দুৰ্ঘটনাৰ ওপৰত এখন ৱেব ছিৰিজ ।
অভিজ্ঞ শিল্পীৰে নিৰ্মিত ধাৰাবাহিকখন
‘দ্য ৰে’লৱে মেন’ এখন থ্ৰিলাৰ ধাৰাবাহিক, য’ত ভোপালৰ জনসাধাৰণক সহায় কৰিবলৈ নিজৰ প্ৰাণৰো চিন্তা নকৰা সেই নায়কসকলৰ কাহিনী দেখুওৱা হ’ব । ধাৰাবাহিকখনত সেই নায়কসকলৰ কথা কোৱা হৈছে যাৰ কাহিনী পূৰ্বে কোনেও শুনা নাছিল । ‘দ্য ৰে’লৱে মেন’ত আছে কে কে মেনন, দিব্যেন্দু শৰ্মা, বাবিল খান আৰু আৰ মাধৱনৰ দৰে অভিজ্ঞ অভিনেতা ।
কেতিয়া আৰু ক’ত মুক্তি পাব ?
এই চাৰিজন অভিনেতাৰ আকৰ্ষণীয় অভিনয় ‘দ্য ৰে’লৱে মেন’ৰ ট্ৰেইলাৰত দেখা গৈছে । ট্ৰেইলাৰত ধাৰাবাহিকখনৰ গুৰুতৰ কাহিনীয়ে ভূপাল গেছ ট্ৰেজেডীৰ সেই ভয়ংকৰ নিশাটোৰ আভাস স্পষ্টকৈ দেখুৱাইছে । ২০২৩ চনৰ ১৮ নৱেম্বৰত অ’টিটি প্লেটফৰ্ম নেটফ্লিক্সত মুক্তি পাব এই ধাৰাবাহিকখন ।
লগতে পঢ়ক: The Railway Men: ‘দ্য ৰে’লৱে মেন’ ৱেব ছিৰিজত দেখা যাব ইৰফান খানৰ পুত্ৰক
