চিটাৰা ডেস্ক, 6 ছেপ্টেম্বৰ: চৰ্চাত বলীউডৰ অভিনেত্ৰী ভূমি পেডনেকাৰৰ আগন্তুক ছবি ‘Thank You For Coming’ । বলীউড অভিনেতা অনিল কাপুৰৰ কন্যা তথা চলচ্চিত্ৰ নিৰ্মাতা ৰিয়া কাপুৰে ১০ আগষ্টত তেওঁৰ নতুন ছবিৰ কথা ঘোষণা কৰিছিল । ‘বীৰে দি ৱেডিং’ৰ পিচত ‘থেংক ইউ ফৰ কমিং’ হৈছে তেওঁৰ দ্বিতীয়টো প্ৰজেক্ট । আজি মুকলি কৰিছে ছবিখনৰ ট্ৰেইলাৰ ৷ ভূমিৰ এই ছবিখনৰ ট্ৰেইলাৰ মুক্তি পোৱাৰ লগতে ছ’চিয়েল মিডিয়াতো ক্ৰমান্বয়ে ভাইৰেল হৈ পৰিছে ।
‘Thank You For Coming’ৰ ট্ৰেইলাৰ মুকলি
ট্ৰেইলাৰটোৰ আৰম্ভণিতে হাঁহিৰ খোৰাক দিয়ে দৰ্শকক। ট্ৰেইলাৰৰ আৰম্ভণিতে দৰ্শকক চিনাকি কৰাই দিয়া হয় ভূমি পেডনেকাৰে অভিনয় কৰা কণিকা কাপুৰৰ চৰিত্ৰটোৰ সৈতে । ছবিখনত ভূমিয়ে অভিনয় কৰিছে এগৰাকী ত্ৰিশ বছৰীয়া যুৱতীৰ চৰিত্ৰত, যিয়ে বিশৃংখলতাৰে ভৰা জীৱনৰ সৈতে যুঁজি থকা দেখা যায় । প্ৰেম, বন্ধুত্ব আৰু যৌনতাৰ বিষয়বস্তু আদি দেখুওৱা হৈছে ট্ৰেইলাৰটোত ৷
ট্ৰেইলাৰটোৱে দিব আপোনাক হাঁহিৰ খোৰাক
ট্ৰেইলাৰৰ আৰম্ভণি ভূমি পেডনেকাৰৰ সৈতে হয়, ভূমি পেডনেকাৰে কয় যে তেওঁ সদায় নিজকে সুখী চাব বিচাৰিছিল । অৱশ্যে ভূমিয়ে কান্দি কান্দি নিজৰ বন্ধুবৰ্গসকলক কয় যে মোৰ কেতিয়াও অৰ্গাজম হোৱা নাই। গতিকে ভূমিৰ ‘মিষ্টাৰ ৰাইট’ৰ সন্ধান অব্যাহত থাকে । এই সন্ধানত ভূমিৰ এনে বহু কমেডী দৃশ্যই দৰ্শকক হাঁহিবলৈ বাধ্য কৰিব ।
ছবিখনত দেখা যাব এইসকল অভিনেতা-অভিনেত্ৰীসকলক
ছবিখনত ভূমি পেডনেকাৰৰ উপৰিও অভিনয় কৰিছে শ্বেহনাজ গীল, ডলী সিং, কুশা কপিলা, শিবানী বেদী, প্ৰদ্যুমন সিং মল, নাতাশা ৰাস্তোগী, গৌতমি, সুশান্ত দিৱগীকাৰ, ছালোনী দৈনী, ডলী আহলুৱালিয়া, কৰণ কুন্দ্ৰা আৰু অনিল কাপুৰে । ২০২৩ চনত টৰ’ন্টো আন্তঃৰাষ্ট্ৰীয় চলচ্চিত্ৰ মহোৎসৱত প্ৰিমিয়াৰ হ’ব ছবিখনৰ । অহা ৬ অক্টোবৰত ছবিগৃহত মুক্তি পাব ছবিখন ।
লগতে পঢ়ক: Jaane Jaan Trailer out: হত্যাৰ ৰহস্য আৰু এটা গোপন কথা, মুকলি হ’ল কৰীনা কাপুৰৰ ছবি জানে জানৰ ট্ৰেইলাৰ
