চিটাৰা ডেস্ক, 3ফেব্ৰুৱাৰী : ৰীল লাইফৰ পৰা ৰিয়েল লাইফলৈকে যাত্ৰা ৷ যুগ্ম জীৱনৰ পাতনি মেলাৰ দিশে বলীউড তাৰকা সিদ্ধাৰ্থ-কিয়াৰা ৷ অভিনেত্ৰী কিয়াৰা আদৱানী আৰু সিদ্ধাৰ্থ মালহোত্ৰাৰ বিবাহৰ উৰাবাতৰি ছ’চিয়েল মিডিয়াত তেতিয়াৰ পৰাই চলি আছে যেতিয়া একেলগে কেইবাঠাইতো তেওঁলোকে ৰাজহুৱাভাৱে প্ৰদৰ্শন কৰিছিল ৷ অৱশ্যে তেওঁলোকে এতিয়াও আনুষ্ঠানিকভাৱে তেওঁলোকৰ সম্পৰ্কৰ কথা ঘোষণা কৰা নাই । যদি এতিয়া প্ৰচাৰ হৈ থকা খবৰসমূহ বিশ্বাস কৰিব লাগে তেন্তে 6 ফেব্ৰুৱাৰীত ৰাজস্থানৰ জয়সালমেৰত বিবাহপাশত আবদ্ধ হ’ব বিখ্যাত শ্বেৰশ্বাহ দম্পতী (Sidharth Malhotra Kiara Advani wedding news) ।
- " class="align-text-top noRightClick twitterSection" data="
">
বিয়াখন সূৰ্য্যগড় প্ৰাসাদত অনুষ্ঠিত হ’ব বুলি কোৱা হৈছে আৰু আৰু বিবাহৰ পূৰ্বৰ অনুষ্ঠান 4 আৰু 5 ফেব্ৰুৱাৰীত অনুষ্ঠিত হ'ব । তেওঁলোকৰ বিয়াৰ বিষয়ে আনুষ্ঠানিক ঘোষণা হ’বলৈ অৱশ্যে এতিয়াও বাকী আছে । খবৰ অনুসৰি এই বিয়াত ঘনিষ্ঠ বন্ধু-বান্ধৱী আৰু পৰিয়ালৰ লোকৰ লগতে শ্বাহিদ কাপুৰ, মীৰা কাপুৰ, কৰণ জোহৰ, বৰুণ ধৱনৰ দৰে বহু চেলেব্ৰিটীয়ে অংশগ্ৰহণ কৰিব ।
- " class="align-text-top noRightClick twitterSection" data="
">
ৰাজস্থানৰ জয়সালমেৰৰ সূৰ্যগড় পেলেচত হ’ব এই বিয়াখন ৷ বিলাসী দুৰ্গটো পুৰণি দিনীয়া ৰাজস্থানী কাৰুকাৰ্যৰে ভৰা । থাৰ মৰুভূমিৰ মাজমজিয়াত অৱস্থিত এই বিলাসী হোটেলখনৰ আছে এক বিচিত্ৰময় প্ৰাকৃতিক দৃশ্য । এই ৰাজকীয় বিয়াৰ স্থানে প্ৰেমিকযুগল আৰু অতিথিসকলক চহৰৰ হুলস্থুলীয়া পৰিৱেশৰ পৰা আঁতৰাই লৈ যোৱাটো নিশ্চিত ।
- " class="align-text-top noRightClick twitterSection" data="
">
সিদ্ধাৰ্থ মালহোত্ৰা আৰু কিয়াৰা আদৱানীৰ সংগীতানুষ্ঠান :
সিদ্ধাৰ্থ আৰু কিয়াৰাই তেওঁলোকৰ বহু জনপ্ৰিয় ছবি শ্বেৰশ্বাহৰ গীতত নৃত্য কৰিব । বাতৰি অনুসৰি এই যুটিয়ে Raataan Lambiyan আৰু Ranjha আদি গীতত নৃত্যনুষ্ঠান কৰিব । কিয়াৰা আৰু সিদ্ধাৰ্থৰ সৈতে ঘনিষ্ঠ সম্পৰ্ক থকা কৰণ জোহৰ আয়োজক হিচাপে থাকিব এই সংগীত অনুষ্ঠানত ।
সিদ্ধাৰ্থ-কিয়াৰাৰ বিয়াৰ সাজ:
সিদ্ধাৰ্থ আৰু কিয়াৰা দুয়োজনেই বলীউডৰ প্ৰিয় তথা বিখ্যাত ডিজাইনাৰ মনীষ মালহোত্ৰাৰ ঘনিষ্ঠ । চলিত সপ্তাহৰ আৰম্ভণিতে মনীষৰ ঘৰলৈয়ো যোৱা দেখা গৈছিল দম্পতীহালক । খবৰ অনুসৰি সিদ্ধাৰ্থ আৰু কিয়াৰাৰ বিয়াৰ প্ৰথম ছবি অনুৰাগীয়ে নিশ্চয়কৈ মনীষৰ ড্ৰেছতেই দেখিবলৈ পাব ৷
সিদ্ধাৰ্থ-কিয়াৰাৰ বিয়াৰ অভ্যৰ্থনা:
- " class="align-text-top noRightClick twitterSection" data="
">
অন্তৰংগ অনুষ্ঠানত বিবাহপাশত আবদ্ধ হোৱাৰ পিছত কিয়াৰা আৰু সিদ্ধাৰ্থই দুটাকৈ অভ্যৰ্থনা অনুষ্ঠান আয়োজন কৰাৰ কথা আছে (Sidharth Malhotra Kiara Advani wedding reception) । প্ৰথমটো অভ্যৰ্থনা অনুষ্ঠানৰ বাবে দিল্লীলৈ উৰা মাৰিব সিদ্ধাৰ্থ আৰু কিয়াৰা । ইয়াৰ পিছত এই দম্পতীহালে মুম্বাইত তেওঁলোকৰ উদ্যোগৰ বন্ধুসকলৰ বাবে দ্বিতীয়টো অভ্যৰ্থনা অনুষ্ঠান অনুষ্ঠিত কৰিব ।
বিগত বছৰ কৰণ জোহৰৰ টক শ্ব’ কফি উইথ কৰণত কিয়াৰা উপস্থিত হোৱাৰ পিছত ছ’চিয়েল মিডিয়াত সিদ্ধাৰ্থ আৰু কিয়াৰাৰ বিবাহক লৈ জল্পনা-কল্পনাৰ আৰম্ভ হৈছিল ৷ শ্ব’টোত তেওঁ সিদ্ধাৰ্থৰ সৈতে থকা সম্পৰ্কৰ বিষয়ে কয় যে, “মই সম্পৰ্ক সন্দৰ্ভত অস্বীকাৰ কৰা নাই বা মানিও লোৱা নাই । আমি নিশ্চিতভাৱে ঘনিষ্ঠ বন্ধু, ঘনিষ্ঠ বন্ধুতকৈয়ো অধিক" ৷ কিয়াৰাই সম্পৰ্কৰ কথা কোৱাৰ পিছত শ্বাহিদে খৰধৰকৈ লগতে কয়, "এই বছৰৰ শেষৰ কোনোবা এটা সময়ত এটা ডাঙৰ ঘোষণাৰ বাবে সাজু থাকক আৰু এই ঘোষণা কিন্ত চিনেমাৰ নহয়" ৷
ইফালে, কৰ্মক্ষেত্ৰত কিয়াৰাক পৰৱৰ্তী সময়ত কাৰ্তিক আৰ্য়ানৰ সৈতে আগন্তুক মিউজিকেল সত্যপ্ৰেম কি কাহিনীত দেখা যাব, যিখন ছবি 2023 চনৰ 29 জুনত ছবিগৃহত মুক্তি পাবলৈ সাজু হৈছে । আনহাতে সিদ্ধাৰ্থে অতি সোনকালে ডিজিটেল ডেবিউট কৰিব আগন্তুক ৱেব চিৰিজৰ ইণ্ডিয়ান পুলিচ ফ’ৰ্চ সৈতে । ৰোহিতৰ নেতৃত্বত নিৰ্মিত এই ধাৰাবাহিকখনত বিবেক অবেৰয় আৰু শিল্পা শেট্টী কুন্দ্ৰাইও মুখ্য চৰিত্ৰত অভিনয় কৰিছে আৰু ইয়াক একচেটিয়াভাৱে অ’টিটি প্লেটফৰ্ম এমাজন প্ৰাইম ভিডিঅ’ত প্ৰচাৰ কৰা হ’ব ।
লগতে পঢ়ক : Indian Police Force ৰ ছেটৰ পৰা ভিডিঅ' শ্বেয়াৰ কৰি অনুৰাগীক ব্যাকুল কৰি তুলিছে ৰোহিত শেট্টীয়ে
