চিটাৰা ডেস্ক, ১৬ জানুৱাৰী: বলীউডৰ দুই অতি সফল আৰু জনপ্ৰিয় অভিনেতা সিদ্ধাৰ্থ মালহোত্ৰা আৰু কিয়াৰা আদৱানী । মনোৰঞ্জন জগতৰ জনপ্ৰিয় দম্পতীয়ে ইগৰাকীয়ে সিগৰাকীৰ প্ৰতি প্ৰায়ে প্ৰেম প্ৰকাশ কৰা দেখা যায় । আজি সিদ্ধাৰ্থ মালহোত্ৰাৰ জন্মদিন ৷ স্বামী সিদ্ধাৰ্থৰ জন্মদিন উদযাপনৰ বিশেষ ভিডিঅ’ ছ’চিয়েল মিডিয়াত শ্বেয়াৰ কৰিছে কিয়াৰাই । ভিডিঅ’টোত ইগৰাকীয়ে সিগৰাকীৰ প্ৰতি মৰম দেখুওৱা পৰিলক্ষিত হৈছে ৷
আজি অৰ্থাৎ ১৬ জানুৱাৰীত সিদ্ধাৰ্থ মালহোত্ৰাই পালন কৰিছে তেওঁৰ জন্মদিন । এই বিশেষ দিনটোত কিয়াৰা আদৱানীয়ে তেওঁৰ ইনষ্টাগ্ৰাম ষ্ট’ৰীত এটা মৰমলগা ভিডিঅ’ শ্বেয়াৰ কৰিছে, য’ত সিদ্ধাৰ্থৰ বিশেষ দিনটো উদযাপন কৰাৰ আভাস দেখা পোৱা গৈছে । ভিডিঅ’টোত দুয়োগৰাকীয়ে ইগৰাকীয়ে সিগৰাকীক মৰমেৰে চুম্বন কৰা দেখা গৈছে লগতে কেমেৰাৰ সন্মুখত আনন্দৰে পোজ দিয়া দেখা গৈছে ।
সিদ্ধাৰ্থৰ জন্মদিনৰ পাৰ্টিত ছবিজগতৰ থিমৰ জন্মদিনৰ কেক কটা দেখা গৈছে সিদ্ধাৰ্থক । চিনেমা ৰিলৰ দৰে ডিজাইন কৰা কেকৰ ওপৰত সিদ্ধাৰ্থৰ সৰু ফটো দেখা পোৱা গৈছে । কেকৰ লগতে সিদ্ধাৰ্থৰ ছবিৰ পৰা তেওঁৰ চৰিত্ৰৰ বহু ফটোও এটা ৰিলত সংলগ্ন কৰা হৈছে । কেকৰ কাষত বহি থকা এটা মৰমলগা সৰু পপকৰ্ণ টাবো আছে । এখন ফটোত সিদ্ধাৰ্থই কেকটো উপভোগ কৰি থকা দেখা গৈছে আৰু আনন্দৰে আঙুলিলৈ চাই আছে কেকটুলৈ ।
ইফালে স্বামী সিদ্ধাৰ্থৰ জন্মদিনৰ বাবে কিয়াৰাই বাছি লৈছিল ক’লা সাজ-পোছাক ৷ আনহাতে সিদ্ধাৰ্থে নিজৰ বিশেষ দিনটোত ৰামধেনু ৰঙৰ চাৰ্ট আৰু পেণ্ট বাছি লৈছিল । অভিনেত্ৰীগৰাকীয়ে কেপচনত লিখিছে, “হেপি বাৰ্থডে লাভ”।
উল্লেখ্য যে, সিদ্ধাৰ্থই ৩৯ সংখ্যক জন্মদিন তেওঁৰ পৰিয়াল, আত্মীয়-স্বজন আৰু ঘনিষ্ঠ বন্ধু-বান্ধৱীৰ সৈতে উদযাপন কৰিছে। কৰণ জোহৰ, শকুন বাটৰাকে ধৰি অন্যান্য বন্ধু-বান্ধৱীক দেখা গৈছে সিদ্ধাৰ্থ মালহোত্ৰাৰ জন্মদিনৰ পাৰ্টিত ৷
লগতে পঢ়ক: নিজৰ বায়’পিকত এইগৰাকী অভিনেতাক দেখিব বিচাৰে যুৱৰাজ সিঙে
