চিটাৰা ডেস্ক, 23 জুন: জনপ্ৰিয় টিভি শ্ব’ চিআইডিৰ বিষয়ে হয়তো আজিও সকলোৰে মনত আছে ৷ নহয়নে বাৰু ৷ ৯০ৰ দশকৰ পৰা আৰম্ভ হোৱা এই শ্ব’টো আজিও সজীৱ হৈ আছে দৰ্শকৰ মনত ৷ ঘৰে ঘৰে সেইসময় জনপ্ৰিয় আছিল এই শ্ব’টো ৷ বিশেষকৈ চিআইডি বুলি ক’লেই মনলৈ আহে কেইটিমান নাম ৷ সেয়া হৈছে এই শ্ব’টোৰ আটাইতকৈ জনপ্ৰিয় চৰিত্ৰ ইন্সপেক্টৰ দয়া, অবিনাশ আৰু এ চি পি প্ৰদ্যুমান।
এই তিনিটা চৰিত্ৰ অনুৰাগীৰ মাজত অতি জনপ্ৰিয় আছিল । অৱশ্যে এই তিনিজনৰ বাহিৰেও বহু অভিনেতাক দেখা পোৱা গৈছিল শ্ব’টোত ৷ ইয়াৰে ভিতৰত অন্য এটা নাম আছিল বিবেক ভি মাশ্ৰু । অৱশ্যে এই শ্ব’টোৰ পিচত লাইমলাইটৰ পৰা দূৰত আছিল অভিনেতাগৰাকী ৷
কিন্তু শেহতীয়াকৈ বিবেক মাশ্ৰু খুব ভাইৰেল হৈ পৰিছে ছ’চিয়েল মিডিয়াত ৷ বিবেক হঠাৎ ছ’চিয়েল মিডিয়াত ভাইৰেল হোৱাৰ পিচতে অনুৰাগীৰ মাজত দেখা পোৱা গৈছে উচাহ ৷ অনুৰাগীয়ে জানিবলৈ ইচ্ছুক হৈ পৰে যে সম্প্ৰতি ক’ত আছে বিবেক ৷
ক’ত আছে বিবেক ?
বিবেকে শ্ব’বিজ এৰি বৰ্তমান বাংগালুৰুত বসবাস কৰি আছে আৰু পৰিয়ালৰ সৈতে সুখী জীৱন অতিবাহিত কৰি আছে ।
শ্ব’বিজ এৰি বৰ্তমান কি কৰি আছে বিবেকে ?
সংবাদ মাধ্যমৰ খবৰ অনুসৰি শ্ব’বিজ এৰি বিবেকে বাংগালুৰু বিশ্ববিদ্যালয়ত অধ্যাপক হিচাপে শিশুসকলক পাঠদান কৰাই আছে । তেওঁৰ লিংকডিন প্ৰফাইল অনুসৰি তেওঁ চিএমআৰ বিশ্ববিদ্যালয়ৰ কমন কোৰ পাঠ্যক্ৰম বিভাগৰ সঞ্চালক । অৱশ্যে এই সকলোবোৰৰ বাবে টিভিত আৰু দেখা পোৱা নগ’ল অভিনেতাগৰাকীক ৷ হয়তো আৰু কেতিয়াও অনুৰাগীয়ে বিবেকক টিভিত দেখা নাপাবও পাৰে ৷
উল্লেখ্য যে, বিবেক ইনষ্টাগ্ৰামত অতি সক্ৰিয় আৰু ইয়াৰ জৰিয়তে তেওঁ নিজৰ অনুৰাগীৰ সৈতে জড়িত হৈ থাকে ৷ চি আই ডিৰ উপৰিও বিবেকক আক্কাদ-বক্কাদ বম্বে ব’, ফাইট ক্লাব-মেম্বাৰ্ছ অনলি আৰু মৰ্নিং ৰাগা আদি শ্ব’ত অভিনয় কৰিছে ।
লগতে পঢ়ক: Bollywood Celebs: বিবাহ বিচ্ছেদৰ পিচত পুনৰ বিবাহপাশত আবদ্ধ নহ’ল এইকেইগৰাকী বলীউড অভিনেত্ৰী
